الخطوة الاولى فى تغيير واعادة بث الروح فى منتدى هندسة كفرالشيخ

انت لسه ياخالد حاطط امل فى المنتدى؟؟

اسمحلى بئا اقولك وجهة نظرى

لو رجعت كده لأحسن فترات المنتدى واكتر فتره كانت الاعضاء مشاركه وبقوه هى الفتره اللى كانت كل الاقسام اللى شيلتها موجوده وكل الاعضاء اللى مشيوا موجودين وكانت الدنيا جميله جدا وكان فى روح حلوه اوى فى المنتدى

كان فى فتره الاجازه الكل بيحط مواضيع عامه وبنلعب وبنهرج وفى الدراسه كنا بنحط مواضيع هندسيه وتفيد الطلاب وبردو بنهرج

انا بئا مش عارفه مين حط فى دماغك واتدخل بفكرة التغيير دى
وحصل مشاكل كتييير يا اما بسبب التغيير نفسه واما بسبب اسلوب التغيير ده

وفى الاخر وصل الحال بالمنتدى للمنظر اللى شايفه ده

انا شايفه انك لو رجعت بالمنتدى على نفس الحال اللى كان عليه ترجع الوضع زى ماكان الناس هتحس ان المنتدى بتاع زمان اللى الناس حبته رجع من تانى لانى مش شايفه بصراحه اى لازمه للتغيير

المنتدى اقسامه مكانتش كتيره ولا حاجه كل اقسامه كانت منظمة وفى منتهى الاهميه
وزى ما الناس كانت بتدخل بمواضيع عامه وترفيهيه كانت بتدخل بمواضيع علميه وهندسيه وكانت الناس بتستفاد

وكنا ماشيين بنظام وبحب لكن فكرة التغيير دى بوظت كل حاجه وعلى الفاضى

ده كان رأيي واللى يريحكم بردو اعملوه