البوابه
من طرف سكت الجدار
صرخ بصرخه
عايز يفك بيها الحصار
عايز يمسح الف دمعه
نزلت من عين ترفض الانكسار
عايز يرجع عصر كان كله عمار
عايز يخطط بنفسه الحدود
حدود زمان من ايام الجدود
فولاذ مفولاذش ميهمناش
فسفور مفسفورش ميضرناش
دا كان كلام شويه عربجيه
ف قاعة بين قوسين قاعده حساب
قاعدين يحاسبوا ف دولتين
ف ميزان اصله راجع لكفه يهود
من يوم ما اعلن عم ديفيد البيان
ولا اوروبا عايزا تاسس كوميديا السلام
من يومين كانوا ف كفه زومبائيل
والنهارده قاعدين يسبوا ف ارض النيل
صرخ الجدار
عايز يطهر الف ايد ادنست
من ايد يهودى من غير هزار
هز الجدار
الف قلب شاف غزة
ف يوم تحت خط نار
والف طفل كانوا ضحايا قصه هزل
اصابت العالم بانبهار
والكل واقف بيضحك
ع العرب من تحت الستار
ولا مسرحيه بتنعرض ف اوبرا عايده
ف يوم انتصار
والكل واقف بيصقف ع ضحكه بيضه
ف جو ماليه الغبار
صرخ الجدار
عايز يسافر لاقصى العروبه ف مهمه انتحار
عايز يدمر بصوته
كل طوبه اتاسست تحت الجدار
ويمنع بامله زحف قرود التتار
سكت الجدار
وقبل ما ينعلن الحصار
ويحصل هناك ضرب نار
وقبل ما نكون من بلاد الاستعمار
بقول آسف لغزه الاحرآر
آسف لانى مش بايدى آخد قرار
سكت الجدار...سكت الجدار