البوابه
من طرف اخر احلامي
أبي أقصـد ولا أقدر أنا شخليت ما قـلّـته
أنا من كثر ما بحت بشعوري جفت أقلامي
لا قلت اني احبك موت فـراق الروح سهلّـته
احـبك اكـثر من الروح يا أول وآخر أحلامي
حبيبي انت بالدنيا جـوابٍ هذي اسـئــلّتـــه
اعيـشـك ليـه والفـرحه رهـيـنه ليه بأيامي
انا من عرفي بحبك جـبين الشمس طاولّتــه
مـلاني الفخر من شانك حبيبي ومصدر إلهامي
غـــزيت شعـوري وحـبـك قـويٍ ما تخيلّتـه
رفعت الأبيض لعينــــك وجــيت لـمنبعك ظامي
لو الدنيــا تنـاديـني نداهـا لـي تجـاهـلّــتـه
وجيتــك انت يا دنياي ومعنى حبي الســــامي
ولو الجـنه دنـت باثـمـارها بيـدي ما طـلــّته
اطـولـه ليه وانت اللي بيـــدّي ثمـرة اعــــوامي
اذا انت هَـديت الشوك هــديــه لــــي تقبلّـتــه
وغــيرك لو هـدانــي ورد اخاف يـجـــرّح ابهـامي
ولو غيـرك على قـلـبي وزن ريشـه تثاقلّــتــه
ووزنك بي جبال طويق لصوبك مشّيَت اقدامي
تعال اقرب هــنا وقـــلـــي اذا بـه شي ما نلّته
انا نلت الحــقيـقـهْ بكــف وكفٍ نالت اوهامي
ودام اني جمعت أضداد مِدِينه والفضل شلّـته
حــبيبي يكفي أن حبك جلا كل همي والامي
تريد الصدق لو حبك جـــهنم لي تحملّته
ولو غيرك كما الفردوس مايسوى شي قدامي
