للى عايز يحول اليكس

ممكن اقولكو دلوقتي او كمان كام شهر هندسه كفر الشيخ هيبقي نقصها بس عشن تكون كويسه
هيئه تدريس كويسه وشويه تنظيم
وفي الاخر طلبه عايزه تتعلم

احنا كدا عندنا مباني ومعامل

انا معاكوا فى كده بس ايه فايدة انك تناقش الدكتور و هو معندوش مادة علمية اساسا
و بجد فرق كبير بين دكاترة اليكس و دكاترة هنا
و كمان بتهيقلى لو سألت دكتور فى اليكس حيرد عليكوا
لانوا بردوا استاذ جامعى و لو مردش ده عيب فى شخصيتوا هو
طب ما هنا كان احمد سعيد يجاوب حاجات غلط
و كان فى دكاترة مبتردش لما تسالهم

ياريت محدش يسب فى هندسه كفرالشيخ
ومحدش يسب فى الدكاتره

واللى عاوز يحول يحول واللى عاوز يقعد يقعد

كل واحد ينام على الجنب اللى يريحه

بس ارجوكم محدش يحكم على هندسه كفرالشيخ دلوقتى

لانها فيها بعض المشاكل زى اى كليه كانت مبتدئه

هههههههههههههههه

ايه يا شباب هدوا اعصابكم شوية

هو مين اللى شتم فى الكليه ؟ وكمان يسب

مفيش اى حد اتكلم كلام وحش عن الكليه

وطبعا الدكاتره فى المقام الاول ومفيش اى حد غلط فيهم

كل الكلام اللى حصل اننا بنتكلم عن مزايا وعيوب الكليه
ليس اكترولا اقل

ودى طبعا كليتنا كلنا مش حد لوحده
يعنى اى كلام مش حلو بيتقال على الكليه هيزعلنا زى ما هيزعلكم

ويا عم حلمى احنا كلنا اخوات فى المنتدى
وبنتكلم مع بعض عادى
ومينفعش انك تقول ان اى واحد يتكلم عن الكليه هيكون ليك تصرف معاه

محدش يزعل من كلامى

يا جماعه ان شاء الله الكليه الجديده هتبقى احلى من اى كليه تنيه وان شاء الله يفتحولنا فيها اقسام جديده
بس ياريت تقولى التحويل بيبقى سهل على طول ولا لأ

بالرغم انى فى كلية هندسة كفر الشيخ
بس بتمنى انى اروح اليكس
مش علشان كلية جامدة وبس
لا دة كمان لانى ناوى باذن الله اتخصص نووى او معمارى
وبالمناسبة دة مش بيقلل من شأن كليتنا (هندسة كفر الشيخ) دى ليها كل الاحترام
وباذن الله الكلية الجديدة هتكون اجمل و ارقى
كفاية بس الطلاب المحترمين اللى معايا فى الكلية والدكترة المبجلين اللى بيمدونا بعلمهم الغزير
وباذن الله لو فية قسم معمارى فى الكلية الجديدة على مستوى راقى
انا هفضل فى كفر الشيخ