صرخـــــــة

اكتر الطرق الصعبة هو الطريق الذى تختار السير عليه؛و يكون ملىء بالاشواك والمتاعب ويحتاج لنفس طويل ده كله من رأى الشخصى لان انا اخترت ان اكون مهندسة طلعت المواد بلا استثناء صعبة ومعقدة ومش فاضية علشان اذاكرها لكن مرغمة الان ان اذاكرها علشان التقدير لما اخترت ان اكون شاعرة او حتى اقول قصيدة الكل وقف وقالى انتى بنت والبنات متعليش صوتها والاحاسيس بتعتها لازم تحتفظ بيها لنفسها وبس لما اختر اكتب قصيدة او قصة كان اسلوب الكتابة من اوله الى اخره غلط حبيت اتعلم ازاى اكتب ربنا اوقعنى فى واحد اللغة كويسة معاه قررت ان اطلب منه انه يشوف القصائد ويصلحها؛ الكلية كلها قالت انتى بتعملى ايه
الوقفة مع احد الزملاء اكبر خطأ ترتكبة البنت المتربيه قوللى اعمل ايه وياريت تردوا على القصيدة بتاعتى
صرخة
كانت هى فى اجمل ثيابها
حين اطلقت صراخها
والدم يسيل من صدرها
ادمعت العيون لفراقها
جبناء أرادوا قتلها
حماية الحبيب اقصى املها
ينزف دمها وعيونى من ورائها
صرخت بأعلى صوتها
حبيبها انا حبيبها
زاد البكاء فهى حياتى
حبيبتى لا ترحلى لا تبعدى
كان الحب وكنت انا
نقفا مكتوفا الايدى
اخذ القلب يرفع صراخه لفراقها
سقطت و سقط الحب بعدها
آه وآه لموتها
فى اخر حفلاتها
ذهبت وذهبت ورائها

نايس

جامده

جميلـــــــــــــــــــــــــــــه
بس انا ماعنديش خبره التصحيح وقافيه الشعر وكده اظن ان فيه شعرا هنا فى المنتدى يارب يساعدوكى فيه
على مافهمت من القصيده
ان اللى بيتكلم هوه حبيبها قبل وبعد حبيبها انا حبيبها
ومعناها انه بيصرخ بعد صراخها وهى بتحميه بالكلمه دى

اولا بحب اشكرك على الموضوع الجميل جدا ده

ثانيا احب اوضح ان دى خاطره يعنى شعر مرسل لا يعتمد على وزن او قافيه

ودى تعبتر اكتر انواع الشعر الشائعه فى العصر الحالى على الرغم من قلة جودتها وقلة جمالياتها مقارنة بالشعر فى العصور السابقه

اما بالنسبه للكلام نفسه

كانت هى فى اجمل ثيابها
حين اطلقت صراخها
والدم يسيل من صدرها
ادمعت العيون لفراقها
جبناء أرادوا قتلها
حماية الحبيب اقصى املها
ينزف دمها وعيونى من ورائها

الجزء ده على حد فهمى انه حد تالت كان شايف الواقعه وبيحكيها

صرخت بأعلى صوتها
حبيبها انا حبيبها
مين اللى صرخ المفروض هى ومين اللى قال المفروض انه هو
انتى حاولتى تعملى التفات من ضمير لضمير بس ده لخبط وكان المفروض انك تربطى ببيت تانى فى الوسط يبين مين اللى قبل ويغير المعنى للى بعده

زاد البكاء فهى حياتى
حبيبتى لا ترحلى لا تبعدى
كان الحب وكنت انا
نقفا مكتوفا الايدى

المفروض انه هو والاجمل ان الاخير يكون (نقفا مكتوفا الايادى)

اخذ القلب يرفع صراخه لفراقها
سقطت و سقط الحب بعدها
آه وآه لموتها
فى اخر حفلاتها
ذهبت وذهبت ورائها

كلام جميل جدا

كل الحكايه كان فى الالتفات اللى فى النص
ده رأيي المتواضع ياريت تتقبليه

ومستنيين الاحسن ان شاء الله

بشكل عام ..يبدو ان عندك مشكلة مع الحدود الضيقة و اللى تخنق فعلا اللى بيفرضها مجتمعنا ..

أما بالنسبة للشعر ..!

احنا عندنا تخلف رهييييييييييييييييييييييييب في الشعر والادب عموما يعني لو كنا متخلفين في الصناعة..

فاحنا متخلفين في التعامل مع الشعر مية مرة اكتر ..فمتستغربيش لما حد يقولك ان البنات مينفعش تقول

شعر,الناس عندنا اساسا مينفعوش غير لانهم ياكلوا ويتجوزوا ويموتوا وكل ما غير ذلك عيب و تضييع وقت

بصي بالنسبة لك عموما فيه حلين يا اما تتطنشي الناس ...و تتحملي العواقب!!

أو تمشي في القطيع وخلاص..

نرجع تاني لموضوع الشعر ..

واسلوب الكتابة احنا عموما اسلوبنا كله ضعيف ولغتنا ضعيفة وده طبعا ناتج من التعليم ..وان مفيش قرايه نهائي تقريبا ..ومن الطبيعي ان الشخص لازم يتعلم يقرى شعر ..قبل ما يفكر يكتب ..

واحنا عموما .مبنعرفش نقرى كعرب عموما وكمصريين خصوصا ..يعني مثلا شاعر زي ادونيس الاديب العربي الاول المرشح لجايزة نوبل ..اتحدى ان يكون عشرة على بعض في محافظتنا قروا له ولو قصيدة ..

بالنسبة لكتابة الخواطر ..والشعر

فمتفكريش تكتبي علشان حد يقرى محدش بيعرف يقرى اصلا .!

اكتبي علشان انتي عايزة تكتبي وبس!


و بالنسبة لتطوير نفسك فلو انتي بتحبي قراية الشعر وبتقري فعلا هتطوري في الكتابة من غير ما تحسي

لكن علشان يوصل اللى بتكتبيه للشعر فده موضوع صعب شوية فكرت احاول اتعلم ..ههه لكن تعبت ومليت من اني ادرس شيء زي العروض او ادرس نحو ..وطريق قصيدة النثر اصعب!

فاستمريت اكتب زي ما بكتب من غير ما اسميه شعر مش مهم المسمى و مش مهم حد يسمعوا او

يعجب حد لاني مؤمن ومتيقن ان محدش بيفهم حاجه!!صدقيني محدش بيفهم حاجه..!

بالنسبة للنص

اكتر ما عجبني فيه انه صرخة ..

عندك المشاعر


حاولي متقيديش نفسك باى قافية او باى موسيقى اذا ملقيتهاش موجودة لواحدها




انيا احب اوضح ان دى خاطره يعنى شعر مرسل لا يعتمد على وزن او قافيه

ودى تعبتر اكتر انواع الشعر الشائعه فى العصر الحالى على الرغم من قلة جودتها وقلة جمالياتها مقارنة بالشعر فى العصور السابقه


تصحيح بسييط

تسمية الشعر المرسل هي احدى تسميات شعر التفعيلة و هو شعر لا يلتزم بالقافية ولا عدد التفعيلات

في السطر الشعري الواحد لكنه ملتزوم بالوزن!

اما قصيدة النثر فهي قصيدة لا تهتم بالعروض اطلاقا واظن ان بدايتها كانت عند الشاعرالفرنسي بودلير تقريبا

وقصيدة النثر تختلف عن الشعر التقليدي بأنها لا تلتزم لا بالوزن ولا القافية و تختلف عن النثر في أن إيقاعها اوضح ..وعن الشعر المنثور بأنها مركزة و قصيرة وتهتم بجمال العبارة و الصور الشعرية اكثر من اى ضرب اخر من الشعر

اما بالنسبة لقصيدة النثر من حيث موقعها فالكثير من الادباء يعتبرونها "قمة الشعر "و انها الصورة

الاجمل له و الاكثر تطورا وتناسبا مع روح العصر وليست كما تقول أقل جمالا من شعر العصور

السابقة قصيدة النثر تحظى الان بجماهرية كبيرة جدا فى العالم و عدد كتابها كبير جدا مقارنة بالانواع

الاخرى من الشعر

و إليك مثال

قصيدة نثر للشاعر أنسي الحاج..

"كان يكسر الماء "


كان هدّاماً قبل أن ينهدم.

كان يهجم كالنسر، وحتى النسيم يتفجّر في قبضته. لم يكن يكسر الزجاج. كان يكسر الماء، والقطن، والحجر، والوحل، والأيدي الخفيّة. لم يستطع أحد أن ينتزع من جناحيه ريشة.

وهوى.

زحف عليه الخوف، فوق الخوف،

فوق الخوف.

نَخَرته الشفقة.

احذروا الحنان! لا تتركوه يلتف عليكم!

أيها النسر! ثمّة وردة تنتظرك دائماً، احترس أيها النسر!



آآسف على الأطالة ..وعلى الفصحى احيانا

احب اوضح ان دى خاطره يعنى شعر مرسل لا يعتمد على وزن او قافيه

ودى تعبتر اكتر انواع الشعر الشائعه فى العصر الحالى على الرغم من قلة جودتها وقلة جمالياتها مقارنة بالشعر فى العصور السابقه


تصحيح بسييط

تسمية الشعر المرسل هي احدى تسميات شعر التفعيلة و هو شعر لا يلتزم بالقافية ولا عدد التفعيلات

في السطر الشعري الواحد لكنه ملتزوم بالوزن!


شكرا على التصحيح يا بشمهندس