البوابه
من طرف عمرك افتكرت الموت ..عمرك افتكرت ان هاييجيلك اليوم اللى تتنقل فيه لربنا ..كام مرة صليت صلاة جنازة او عديت على مدافن او او او ......اكيد كتييييييير بس كام مرة عرفت ان انت ممكن فى يوم تكون الشخص اللى هايتصلى عليه ..ممكن فى يوم ييجى حد يزورك فى قبرك ده مش ممكن ده اكيد
ماتزعلوش منى الكلام ده مش انا اللى باقوله ده الموت علينا حق
طب وانت ليه اصلا تكون خايف منه الموت مش شبح ولا عفريت
ليه مابنفكرش ان الموت ده ممكن يبقى بداية جميلة علينا
وان من بعده هاندخل الجنة
او ...................... لا بلاش او دى
خلينا فى الجنة
كام مرة حلمت بيها اكيد بردو كتير
بس مش بردو اللى بيبقى نفسه فى حاجة بيحارب عشان تتحققله
طب ليه احنا بقى ولا على بالنا
---------------------------------------------------------
لو فكرت كويس هاتلاقى ان الموت ده هايحصل هايحصل بس فيه واحد بيبقى خايف ومرعوب منه وواحد تانى بيبقى مطمن اوى وامله فى ربنا كبير
استنى
مش معنى ان امله فى ربنا كبير يعنى يعمل كل اللى نفسه فيه بحجة ان ربنا هايسامحه فى الاخر اوعى تفهمنى غلط
............ عشان كده
عاوزين نعمل دايما حساب ليوم الحساب ..عاوزين دايما نعد ليوم اجلنا ..عاوزين نعبد ربنا صح عشان كلمة الموت ماتخوفناش ..عايزين كلنا ناخد بايد بعض على التقوى
---------------------------------------------------------
فى الاخر عايزة اقولكم: ناسف فعلا على الازعاج
