حكاية عربي....من اجل الوحده العربية

بس قولولي انا اعمل ايه ؟
اهرب واطفش ماللي انا فيه؟
وللا اطحط وداري عليه ؟
وللا اكون مجرم ارهابي زي الخوجه ما اقالي عليه؟
واعمل فيها شجيع السيما اضرب اكسر من غير ليه
وللا اوطي الراس وادلدل للي الباشا يأمر بيه
روحي وروحك حتى حياتك تبقى فأيده سعاة البيه
يبقى قولولي انا اعمل ايه.......اقدر افش غليلي بأيه
من ايام بولفر ما ادلهم....وعده الآمر بالعدوان
نازلين دبح وقتل علينا....والدم بقى فكل مكان
غزه اريحا مزارع شبعا....قنا ووصلنا الى لبنان
والأطفال بتموت وشيوخ....عجزه فوسط نيران ونيران
نار الفتنه بينفخوا فيها....لبنا سوريا وفي السودان
فتنه وجايه تقتّل فينا....وتمزقنا فكل مكان
قتلت فينا ضمير العربي....وصبح القلب ضعيف هزلان
عايز تعرف نار الفتنه....وصلت بينا لغاية فين ؟
فتح واخوها حماس نازلين....ضرب فبعض شمال ويمين
اكراد شيعه وسنيين....صواريخ قتل ومش هامدين
وسودان فيها متمردين....حالفين لحكومة وناويين
نسوا ان احنا العربيين....صعب يفرق بينا الدين
حتى بلادنا يا عربيين....مش طالعين من النار سالمين
لبنان ويا السورييين....طالعين في اتهامات نازلين
خايفين من بعض وناسيين...مين بيدبر كل ده مين
نفسي احل اللغز يا صاحبي....ليه العربي ساكت خارس
تشريد قتل ودبح اهانه....وانته واقف بتخدم حارس
خايف تنطق كلمة لأ....لحسن يقطع منّه اليك ؟
وللا بتهرب منه وخايف....اللي يصيبه يصبح فيك ؟
خايف تنقظ اخوك العربي!....بكره هتيجي الدايرة عليك
مش هتلاقي حد يساعدك....ولا هتلاقي حبيب حواليك
يبقى انا اضعف لأ مش هضعف ....لازم اعمل حاجه تحمينا
يللا ندافع يللا ونبني ....سد منيع داير حوالينا
لأ هنهاجم يلا نحطم....ترس خواجه بعزم ادينا
شيل الاسم خليجي وشامي....مصري ده سبب النكبه الينا
يلا نوحد كلمة لأ....ونشوف مين يقدر يجارينا
نظم يلا صفوفك يلا....جيش المهدي مستنينا
يلا نرد كرامة عربي....ونرجع لينا اراضينا
لو هنعيش بكرامه تغنينا....او هنموت بشهاده تكفينا
بقلم
هيما