ازاي تختار قسمك . . ?!

شكرا يا احمد اوي على النصيحة0000000
انا فعلت كنت محتاجهة 00000000
كل سنة وانت طيب 00 عيد سعيد0000
"dodo".

ههههههههههههههههههه
عندك حق البنت مصيرها فين يعني ف الاخر الا لبيت جوزها
بيتعلموا بس عشان يعرفوا يشرحوا للادهم الصغيرين
ههههههههههههههههههههه

مين قالك ان قسم اتصالات مجاله محدود فى مصر
بالعكس فى ازمه مهندسين اتصالات
بس طبعا الشركات مش عايزه اى مهندس اتصالات والسلام
يعنى عايزه مهندس سوبر
وعلى فكره بيشتغلوا بمرتبات خرااافيه
ربنا يوعدنا
ان شاء الله

ايه رأيك انى عايز اخش ميكانيكا وانه قسم زى العسل بس محتاج مخ و شوية تعب و خلاص

ممكن يا باشمهندس أحمد كلمة عن بقية الاقسام مثلا
الهندسه الكيميائيه
الطبية
النووية
البحرية
الطيران

~*¤ô§ô¤*~ كتب:لو انت مهندس ادخل مدنى وهتعيش حياتك اوى لما تتخرج
لو انتى مهندسه ادخلى القسم اللى يعجبك
عشان انتى هتتخرجى وتقعدى فى البيت

ليه 2 حضانة
و 5 ابتدائى
و 3 أعدادى
و 3 ثانوى
و 5 هندسة
يعنى 18 سنة خدمة فى التعليم عشان أقعد فى البيت
مستحييييييييييييييييييييييييييييييييييييييييييييييييييييييييل

باين البشمهندسه عاوزه
تبقى طيران
عشان كده بتسأل عليه

The Egyptian Engineer كتب:باين البشمهندسه عاوزه
تبقى طيران
عشان كده بتسأل عليه

لا والله يا باشمهندس مش طيران نووى

ياريت يكون الموضوع
ملم بكل الاقسام ياهندسه

هاااااااااااااااااى
ازيكم يا بشمهندسين

طبعا دى اول مشاركه لى فى المنتدى ومش هتكون الاخيره ان شاء الله

واضح ان احمد قسم مدنى ومنحاز الية بشكل كبير
واى واحد بيدخل قسم لازم ينحاز الية لانه بيحبة اصلا

بس انا من راى اى قسم كويس بس المهم انك تحب القسم وتبقى التوب فية
لانى سوق العمل بيطلب كل الاقسام بس مستوى عالى

موووضوووع مهم بجددد ..
وانااا بصرااااحه لحد دلوقتي كتبت الرغباات ومش عارفه ادخل ايه..
خايفه ادخل قسم واندم بعد كده ..
ومدني بيقولو عليه كويس بس انا محبتش الرسم الخرساني الي حنا اخدناه
في اعدادي مش مقتنعه بيه
والكهربااء مبحبش الفيزياء..
وميكانيكا ابسيليوتلي طبعااااا ده كفايه بس حبة الرسم الحلوين الي اخدناهم ..
يبقى مافيش غير معماري .. بسسسس
يعنى لو كنتى بتاعة بابى و مامى ونونو.. متفكريش فى القسم دة خالص
ههههههههههههههههه ..
يعني اعمل ايه انا دلوووووقتي حد يساااعدني علشان انا لو مقررتش قبل ماتبدا الدراسه هحووول بليزز ..

GA3LONE MOHANDESAH كتب:موووضوووع مهم بجددد ..
وانااا بصرااااحه لحد دلوقتي كتبت الرغباات ومش عارفه ادخل ايه..
خايفه ادخل قسم واندم بعد كده ..
ومدني بيقولو عليه كويس بس انا محبتش الرسم الخرساني الي حنا اخدناه
في اعدادي مش مقتنعه بيه
والكهربااء مبحبش الفيزياء..
وميكانيكا ابسيليوتلي طبعااااا ده كفايه بس حبة الرسم الحلوين الي اخدناهم ..
يبقى مافيش غير معماري .. بسسسس
يعنى لو كنتى بتاعة بابى و مامى ونونو.. متفكريش فى القسم دة خالص
ههههههههههههههههه ..
يعني اعمل ايه انا دلوووووقتي حد يساااعدني علشان انا لو مقررتش قبل ماتبدا الدراسه هحووول بليزز ..

الحال من بعدو يا هندسة ادخلى القسم اللى حتلقى نفسك فيه
اى حاجة لازم يكون فيها صعوبات
انا شخصيا غالبا حسيب الكلية هنا
مع انى حبتها بس كل حاجة لازملها تضحية
مختش اقتصاد ولا ايه

لا والله ياهندسه لسه قداامي شويه عقباات..
بس لو هدخل القسم الي هلاقي نفسي فيه
فاانا طبيعي مش ملاقيه نفسي في الهندسة اصلاااا ..
بس انا عاوزه قسم مفهوش فيزياء ولا رياضه ولا انتاج ..
ومقدرش اقول ولا رسم لانه هو الهندسه ..
بس يكوون على خفيف لاني مليش في الرسم اصلاااا..
وربنااااا يكون بعونااا جميعااا ..
وتشكر ياهندسه على مجهودك المشهوود..

بصراحه المفروض مفيش بنات تدخل مدنى
احسن قسم لهم
عماره او كهرباء
لانى بيشوفوا الذل فى شغل مدنى
العمال بيعملوا الواجب وزياده حبيتين

فنصيحه محدش من البنات سدخل مدنى
اما بالنسبه لينا
ممرمطه بس كويس بعد كده وشغال تمام وفلو س على كيفك

ahMed KhaLiL كتب:

هنشرح كل قسم وكيفية الاختيار بطريقة جميلة ان شاء الله
اولا اتصالات:

1. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...

2. مواد اتصالات تشبة مواد كهرباء اوى لان اتصالات جزء من كهلرباء اصلا ...

3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....

4. و ينقسم القسم الى حاسبات و الكترونيات
ثانيا\- مـــدنـى:

2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول

3. القسم دة مشكلتوا ان تسليم الشيتات بيكون تقريبا اسبوعى طول السنة

4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....

5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض

6.مجال شغلة مش بطال بس فية سنة بهدلة شوية

7. واللى نفسة يبنى عمارات و سدود و كباري و انفاق يدخل مدنى على طوول

ثالثا\\- عمارة:

1. قسم عمارة دة بقى قسم البنات او الاولاد اللى بيحبوا يقعدوا وسط البنات...!!!! او المواهب طبعا...

2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.

3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص

4. يعنى ممكن ايام المشاريع تقعدى شغالة مثلا لغاية 12 ليلافى الكلية

5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-

6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين....

8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة
رابعا واخيرا
قسم الميكانيكا
فده انا مش هتكلم عنه لانه قسم غتيت ومبحبوش
يعني اللي عاوز يعقد نفسه يدخله
هو قسم نادر جدا بس صعب جدا جدا

ارجو ان اكون قد افدتكم وشكر (احمد خليل)

معترض علي رأيك في الاقسام

اي مهندس بيشتغل حتي لو كان مهندس مجاري
انا اللي دخلني مدني اخويا وبندم علي اني دخلته لأني مش بحب الحاجات بتاعته دي

انا بحب الرسم وكان نفسي ادخل عماره
اخويا قاللي ادخل كهربا قولتله مش بحبه
قاللي خلاص ميكانيكا قلتله مش داخل غير عماره
فبالطبع لما لقاني بحب القسم ده قاللي خلاص انت صح وطالما بتحبه هتبقي كويس فيه
انا كنت في اعدادي في المنيا
لما جيت احول المنصوره عشان ادخل عماره لقيتهم بيغلسوا ف التحويل كسلت احول وفضلت في مدني كفر الشيخ

انا من رأيي اللي عايز يدخل قسم يشوف هو بيحب ايه وممكن يبقي كويس في ايه

يعني لو بتحب الكمبيوتر ونفسك تعمل مثلا برنامج او تعمل اي حاجه فيه ادخل اتصالات
انا مش هقولك ان انت هتعمل كده في مصر
بس لما انت تكون بتحب قسم وتلاقي ليك شغل في المجال ده وحبيت في يوم مثلا تاخد كورسات وانت بتشتغل في مثلا كيفية عمل البرامج هتلاقي ان ده متناسب مع القسم بتاعك وهتعرف تنتج في
انا بتكلم عن المستقبل
انا مثلا بحب الكمبيوتر وكان نفسي بعد عماره ادخل اتصالات بس برضه كسلت واختارت الطريق السهل

شوف انت بتحب ايه وادخله واي حد يقولك مفيش شغل للقسم اللي انت اختارته قوله انت مبتفهمش حاجه

انا اخويا مهندس واشتغل اول ما خلص
وكل زمايل اخويا المهندسين اشتغلوا علي طول بعد ما خلصوا
متخليش حد يحبطك يا عمنا
ادخل اللي انت بتحبه واوعي حد ميعرفش حاجه يخليك تغير رأيك واسأل مهندس كبير وبيشتغل واذا قالك غير اللي انا قولتهولك ده يبقي هو كمان حمار

اقولك حاجه
اقرأ كتاب اسمه مفاتيح النجاح العشره لابراهيم الفقي
هتلاقيه في مكتبة في ابارهيم المغازي اسمها
حامل المسك
وما تقررش الا بعد ما تقرأه هو مش هياخد ساعتين
ب 10 جنيه الكتاب

تعرفو ان قسم عمارة هياخد 25 طالب بس

في اول السنة محدش كان عايز عمارة ومع مرور الوقت الناس بدأت تعجب بيه
وظل الإعجاب ده في تزايد وتزايد

وفي الاخر هياخدو 25 طالب بس

مع إن ناس كتيييييييييييييييييييير عايزة عمارة !!!!!

و25 شوية أوي بالنسبة للي عايزين عمارة

فهما 25 وإلي بعد كدا الرغبة التانية

والله المستعان

ومحدش عارف الخير فين

يا جماعه انا عارف ان الكل محتار
فاريت الناس تصلى صلاه الاستخاره
واللى فيه النصيب هيقدمه ربنا