كلام فى الفن

كنت قاعد فى مرة من المرات القليلة اوى الى بقضيها قدام التلفزيون
ومن حظى المنيل انى لقيت فلم كتكوت شغال
قلت اشطة الفلم كان ناجح وبتاع
اكيد هيطلع حلو
وبسلامة نية اتفرجت على الفيلم
وعينك ماتشوف الا النور
مهو يا حاجة من الاتنين
يا اما انا الى مبفهمش فى الافلام يامى الجمهور الى نجح الفيلم ونجح محمد سعد من الاساس غلطان
الفيلم مفهوش حاجة عدلة
يعنى ممكن نعتبرة من ارخم الافلام فى تاريخ السينما المصرية والعالمية والسودانية
بس بردة فيلم كركر لما نزل نجح
مع ان انا متأكد انة مش هيفرق كتير عن كتكوت
هو احنا خلاص بقى الهدف من الافلام انها تضيع وقت وخلاص؟؟؟؟؟؟؟
ولا احنا مش فارقة معانا فيلم حلو وحش المهم انى اضحك
وبعدين يريت الفيلم بيضحك
انا مستعد اتفرج على فيلم اهبل بس يبقى بيضحك
ياريت يا جماعة تقولولى اة رقيكم مين فينا الى غلطان انا ولا الجمهور الى بينجح الافلام الهابطة كل صيف؟؟؟؟؟؟؟؟؟؟؟

لا بجد فى افلام مش ليها اى معنى ويارب ماتنحدر اكتر من كده وربنا يستر

لولا اختلاف الازواق لبارت السلع

القرد في عين امه غزال

والطيور علي اشكالها تقع

وكل واحد واختياره وكل واحد وزوقه

وكل ما يعجبك والبس ما يعجب الناس

وقال علي راي المثل الشرطه في خربه الشعب



علم الدين

شكرا للردود وعلى العموم كل واحد ولية رقية يا عم حودة

بص فى كده وفى كده وكده عن كده يفرق هههههههههه
لا بجد فى افلام جميله جدا وهادفه وفى افلام يعنى مش اوى وكل واحد وذوقه
تقبل مرورى
دودو

شكرا يا دودو وانا بقى تابع كدة مش كدة التانية
هههههههههههههههههههه

انا رأيي معاك
الجمهور بيستهبل اوي
ولا كتكوت ولا كركر ليهم هدف وتافهين اوي
احنا اتكلمنا علي دول عشان جابوا ايرادات عاليه وفيلمين عبط


مفيش فيلم محترم وكويس إلا القله

اتفرج يا عم علي لحظات انوثه وعمارة يعقوبيان وطباخ الريس وزاي تخلي البنات تحبك وهو فيه ايه محمد فؤاد


يا عم الاعلام ليه دور مهم جدا في حياة الناس
والدليل انا حنا بنقلدهم في كل حاجه


مفيش امل لما شوية عيال بيلعبوا كوره ياخدوا ملايين
يا عم صباح الخير

سلاااااااااااااااام

بجد مش كل الافلام هايفة ومش كل الافلام حلوة

وكل واحد وزوقه

شكرا يا شاعر المنتدى على مرورك
وشكرا ليك يا علاء
ويرب تنورونى فى كل مواضيعى

انا مع الراى اللى بيقول ان فيه الحلو وفيه الوحش
بس المشكله ان الوحش هو اللى بينجح ويجيب ايرادات عليا

بص يا عم مروان مش كله بينحدر
يعنى بتكون فى افلام هادفه ولها قصه ومعنى
وغايه وهدف
بس برضه فى افلام ملهاش اى معنى يعنى ممكن تقعد تتفرج ساعتين وفى الاخر متعرفش الفيلم بيتكلم عن ايه
يعنى فى الجيد والردىء فى كل حاجه

انا مع كلللللللل اللى اتكلم فوق

ومش هضيف حاجه لان كلامى هو هو اللى هما قالوه مفيهوش زياده

اضيف حاجه واحده تقبل مرورى

طب تعالوا بقي نشوف الافلام بتاع ىدلوقتي

كلها اباحيه

لو حد معترض يقووول

ليلة البيبي دول
وهيافه زي الكابتي هيما
وبتاع عادي امام ونو الشريف اللي بيبقي فيه قسيس حسن ومرقص وكان الشيخ خالد النبوي معترض عليه

وفيلم اسمه كباريه


حد معترض علي ده يا جماعه