البوابه
من طرف أوقات تتوه مع فكرها
وعشان حقيقى بحبها
بسرحلها
ترجعلى تانى ارجعلها
تنزل عينيا عن عينها وتبتسم
وقت السكات بيننا اتحسم
وابدأ كلامى عنها
واسألها بردو عنى انا
ولمين راح احكى
اذا كنت انا برتاحلها
واسكت عشان اسمع يكون
ايه ردها
ماتردليش وتسوق دلال
فازعل كما لوكنت عيل م العيال
فتقوللى00(كتكوتتى الجميلة ماتزعليش)
اضحكلها00القاها سابت نفسها
تبكى كدة من غير أصول
واسأل تقول: ماهو جيه خلاص وقت الرحيل
انت انا لازم نقيم حفل الختام
والمدعوين كل الصحاب
ولاتحب يكون وداعنا لوحدنا؟
ليه الوداع؟
طول مانتى روحك كل حاجة فى الوجود
انا بقنعك من غير خداع
مايكونشى ليه قلبك صمود؟
فضلت تعيط فى انهيار
فضل الكلام واقف فى وسط الحنجرة
والدمعة لحظات الأسى
بتقى دمعة ممررة
ماهى أصلها00صعبت عليا حضنتها
لتشوف دموعى
أطلع ضعيف انا عندها
محتاجلها
وعشان حقيقى بحبها
وهى كمان بتحبنى
قامت موعدانى انها0000
