سؤال للجميع

السلام عليكم أريد طرح سؤال عليكم و أود معرفة إجاباتكم السؤال كالآتي




من هو الشخص أو الشخصية التي تعجبك في العالم و تريد ان تكون في مكانه(ها) ؟؟؟؟

احب اكون مكان خالد عبد الكريم
احب اكون نفسى

كرهت نفسى
وكرهت الحياه

امممممممممممممممممم

نفسى ارجع بالزمن لورا واعيش ف الزمن القديم
واكون انا بردو مش حد تانى

ارجو من الله ان اسير على هدى الحبيب صلى الله عليه وسلم

اتمنى ان اكون مثل ابى الله يرحمه يارب
فى حب الناس له وطيبته وتسامحه لهم
وايضا حسن الخاتمه

************
ان اصبح مثل My uncle Eng.heeeema
زى ما انتى عارفه طبعا

طبعا شاكره لردودكم

وان شاء الله كل واحد يحقق اللي بيتمناه واولهم الجميله سااافو

بس كنت اقصد شخصيات بتعجبكم في العالم مش شرط انك معجب بحد

انك متكونش نفسك يعني اكيد فيه ناس كتير في العالم بتعجبكم ارائهم وتوجهاتهم

عايزين نعرف هما مين

طب انتى رايك ايه ؟؟؟؟؟؟؟؟؟؟؟




اانا بموت ف حاجه اسمها عبد الناصر
نفسى اكون زيه ف الحلو بس

وانا معجبه جداااا

بدكتور ابراهيم الفقي

ونجيب ساويرس

انا معجب اوى بديفد بنجوريونمؤسس دولة اسرائيل وبحترمة حتى لو كان عدو ليا
وقتالية تشرشل رئيس وزراء انجلترا
وماوتسى تونج فى الصين
وطبعا منساش معلمى محمد حسنين هيكل
وعبدالوهاب المسيرى
وعبدالناصر
انما الوقت الحالى
يمكن عشان الماضى او التاريخ بيبقى مكشوف معظم جوانبة فسهل اننا نختار منة
حاليا فية ناس اكيد ليهم فكر
صحيح وللاسف العرب والمسلمين قليل لما تلاقى فيهم حد
انما اكيد موجود ناس كتير كويسة
على مستوى القيادات مفيش تقريبا الا اردغان بتاع تركيا
والخمينى فى ايران
دول بشوف فيهم قيادات وزعامات لنهضة فى بلادهم
واسرائيل برده فيها ناس انا بحترم فكرهم
لانهم بحطوا مصلحة بلادهم وشعبهم فوق اى مصلحة واهدافهم تحقيقها فى اى اعتبار

طبعا سؤال جميل جدا ومشكورة عليه
هوه فيه شخصيات كتيرة أوي بتعجبني بس فى حاجات معينة يعني مش كل حاجة فيه بتعجبني
وعن نفسي عايزة أكون مهندسة ناجحة وف نفس الوقت أخدم وطني وديني
يعني بالمعنى الأصح عايزة أكون نفسي
ودي وجهة نظري وياريت تقبلوها

بس عايزة أعرف يابشمهندسة لو سمحتي
انتي معجبة بنجيب ساويرس رجل الاعمال المصري ده ليه؟؟؟

الباشمهندسة كتب:بس عايزة أعرف يابشمهندسة لو سمحتي
انتي معجبة بنجيب ساويرس رجل الاعمال المصري ده ليه؟؟؟

نفس السؤال اللى كنت هاسأله ليها
واستغربت من اجابتها ليه

ههههه

شخصيه ناجحه في مجاله وبيحب بلده

وجواه تحدي جامد جداااااااا وشجاعه يعني بشوف فيه حاجات كتير نفسي

تكون عندي بس وممكن لان انا سمعتله برنامج من وانا صغيره بس مش صغيره اوي

سبع او ست سنين تقريبا خلاني احبه واحب مجال الهندسه وبتابع اخباره من ساعتها

ممكن يكون هو سبب كبير اني ادخل المجال ده

بس
بس يابشمهندسه انتي مفيش شخصيه عاجباكي معينه واعتبري سؤال تكوني انتي مكانه ده مش موجوده
يعني من اهتمامك بالشخصيه واعجابك بيها بنعرف ايه اهتماماتك وطموحك مش اكتر