.. كولدير مياه بـ 2 جنيه فقط لطلبة هندسه فقط ..

انتى تأمرى يا بشمهندسه

وفعلا حاجه جميله جدااااااااااااااااااااااااا

بس اولا احنا ف الكليه مش 1500
ههههههههههههههه
احنا اقل من كده

بس القادر يدفع اكتر



هانشوف العميد هايقول ايه
ونجيب ليكوا الرد ان شاء الله ف اسرع وقت


مشكوره جدااااااا على الفكره

منتش شايفه ان المبلغ كبير شويه !!!!

طب سؤال
هينحط فين
؟؟؟؟؟؟؟؟؟؟؟؟؟؟؟؟؟؟؟ظظ

ميرسي لحضرتك يابشمهندس محمود والامر لله .. وشكرا على سرعة الرد وان شاء الله العميد هيوافق
وبالنسبه للمكان انا كنت بفكر اننا نحطه مثلا عند المكتبه او عند مثلا الحرس بصراحه مش عارفه لسه انسب مكان ليه .. لاننا حتى لو حددنا اعتقد العميد هيكون ليه راي تاني بس احنا اهم حاجه ناخد الموافقه والمكان اكيد هنلاقيه ...

يابشمهندس يوغي هو حضرتك تقصد سعر الكولدير ولا الي هنجمعه ..
انا في الاول كنت هقترح ربع جنيه بس المشكله انه احنا فعلا عددنا قليل لاني معتقدش الكل هيدفع !!

والله الفكرة جميلة
بس فى مشكلة
هى المكان اولا
احنا كليتانا كبيرة
هيبقى فى مشكلة فى المكان
اقتراح حضرتك بوضعة عند المكتبة او عند الحرس هيعمل مشكلة
لان انا مثلا فى الدور السادس
واعدادى فى السادس
ومدنى كلة فى الاخير
كل دول عشان ينزلو يشربو
هتبقى بالنسبة ليهم مشكلة
لية
لان انهم ينزلو 6 او 7 ادوار ويطلعو تانى
هتبقى مشكلة
انا عن نفسى اول واحد هدفع فلوس واخر واحد هنزل عشان اشرب واطلع تانى
ثانيا كولدير واحد لاكتر من الف مش كفاية
واكتر من كولدير هيبقى صعب
اخيرا
ان عندنا مشكلة فى حاجة ان الكولدير بيحتاج مدخل ماء وصرف كمان
وده هيعمل مشكلة لان مفتكرش ان الكلية هتحفر مخصوص عشان تعمل نظام صرف
ونظام ماء للكولدير فى اى مكان
لان ده هيظروت الدنيا
طيب احنا نقول ان الحاجة ام الاختراع
ممكن نعمل اية عشان نحل مشكلة الشرب
انا شايف ان العميد مش هيوافق بالذات عشان مشكلة الصرف والماية
طيب نعوض ده باية
ممكن نعمل وسائل شرب اكثر ادمية
يعنى كل دور فية قزايز شرب
وغالبا مش بيبقى فى كبيات
وعشان نجيب كولديرات حديثة الى هى بفنطاص دى مش كولدير الشارع العادى وده الحل الوحيد لمشكلة الصرف اولا
تقريبا هنحتاج على الاقل 2 فى كل دور
يعنى هنحتاج 14 كولدير على الاقل
وده استحالة يتحقق
لان كولدير واحد بياخد حوالى عشرة لتر وده مش هيشربنى لوحدى فى الصيف
وهيحتاج يتملى تقريبا كل ساعة وده مش هيتحقق بسهولة فهيتكهن بدرى بدرى
الحل اية
ان النظام الحالى فى الشرب اسهل كتير بس محتاج شوية نظافة
قزايز جديدة بتتغسل كل يوم وده سهل تحقيقة
كوبيات كتير تكفى كل طالب
ودى برده اسهل وارخص
ومش هنحتاج موافقة حد عليها احنا بس هنضف الى موجود

كلام حضرتك مقنع جدا .. بالنسبه انه حد في الدور السادس ويبقى بعيد انه ينزل للدور اول
اعتقد دي مش مشكله اوي يعني ع الاقل اما يخلص خالص هينزل وهو ماشي هيشرب احسن ماكان بيفضل طول اليوم ويشرب اما يروح البيت ..

طيب بالنسبه للمكان هو فعلا مشكله بس احنا ممكن مش نجيب كولدير زي الي بيبقى في الشارع ده ..

فيه حاجه تانيه احدث .. زي المبردات الي في الاوفيس عند مكتب العميد .. دي كل الي هتحتاجه كوبس كهرباء
والعاملات مجرد انهم كل ماتخلص القزازه بتتغير بواحده مليانه ..

ودي ممكن تتحط قرب الاوفيس بس اي اوفيس بقى يفضل انه بتاع البنات ..

هيا بصراحه مشكله بس لازم نلاقي حل ..

طيب انا برده قلت ان دى افضل حل
لانها هتحل المشكلة الاصلية وهى مش المكان
بس الصرف والماية بتاع كولدير الشارع
غير انها صحيح ارخص

المبردات بتاعة الاوفس
بس دى سعتها قليلة جدا
متنفعش فى مكان كبير الا على الاقل فى كل دور 2
وده هيبقى فوق طاقتنا

ااه ماانا قصدي انه هتبقى في كل دور .. بس انا بصراحه معرفش تكلفتها كام بس اعتقد انها مش غاليه

ممكن نسال الاول على تكلفتها ووقتها نقدر نحكم اذا بينفع في كل دور اتنين او واحده او مثلا كل دورين ع الاقل ..

دى هتبقى حلوه قوى لو عرفنا تمنها وممكن نجيب على الاقل واحده فى كل دور
والاحسن ان لو حد يدور على عرض اسعار من اى شركة توريد عمومية زي_( المهندسكار)
ونجيبها فى شكل مناقصة ونعرف هتكلف كام وكل واحد ممكن يدفع على قد ميقدر
ومننساش مساهمة الكلية والدكاترة واتحاد الطلبة والجودة وغيرها ونشوف ممكن نجيب كام

حلوه الاحلام الورديه دى

بس هانحاول وزى ماتيجى وان شاء الله خير

عارفين هايتقال ليكوا ايه

روحوا الاوفس واشربو منه

احنا داخلين على الشتا ومش لازم مايه ساقعه

يابشمهندس محمود هيا ممكن تكون احلام ومن حقنا اننا نطالب بتحقيقها ..

ولو حد قال روحو اشربو من الاوفيس .. والله مش مستنين حد يقولنا احنا فعلا بنروح وبيكون الرد مش كويس مفيش مايه ساقعه اشربوا من الحنفيه .. مع العلم ان التلاجه فيها ميه بس دي مخصصه للدكاتره والمعيدين في كل دور .. ياسلااام ع اساس انه احنا مش بنحتاج ميه زيهم مثلا يعني ولا ايه ؟؟

يبقى من حقنا ولا لا اننا نطالب باي حاجه بديل عن الاوفيس .. يااما هما يشوفولنا حل بقى ..
وبالنسبه انه الشتا داخل ده مش هيمنع اننا هنحتاج ميه بردو .. ولو مستعملنهاش في الشتا كتير اهي موجود لوقت الصيف مش لسه هنقعد نفكر تاني في الصيف وعلى ماناخد اصلا الموافقه ده اذا اخدناها هتكون السنه خلصت ..
بس ربنا معانا بقى ..

تمام
بس على فكره انا محدش من الناس اللى شاغلين
ف الاوفس قالى حاجه
وان انا بدخل بشرب على طول
ومن مكتب العميد كمااااااااااااااااااااان
هههههههههههههههههههههههههههههههه
بس والله ان شاء الله
هانعمل اللى احنا هانقدر عليه
وهاقولك العميد قالنا ايه


بس عايزينها وكأنها مطلب جماهيرى
وليكن 20 من كل دفعه يمضى على احتياج الدفعه
لمياه شرب ونظيفه وادميه


هنفكر ف حاجه وان شاء الله هنلاقى حل

والله الفكره جميله وكلنا نفسنا تتحقق

بس الصح يكون 2 مش واحد وانا اعتقد ان الموافقه لو جات

الناس كلها هتبادر بالخير
لان دى حاجه لله والدكاتره قبل الطلبه هيشاركوا فيها باذن الله

وكل واحد ربنا يقدره ع حاجه مش هيبخل بيها

وبعدين 2 جنيه او 5 مش فرض

كل واحد يدفع مقدرته

واللى مش حابب براحته كل واحد وله ظروفه


وفينك يا مشرف

AvoGaDrO

ميرسي لحضرتك يابشمهندس .. هو فعلا 2 جنيه مش فرض بس انا كان قصدي يعني ده اقل حاجه ممكن اي حد يدفعها يعني مش هتبقى صعبه على حد وفي مقدور الجميع .. والي حابب يدفع اكتر يدفع .. وكمان على حسب السعر لاني لسه بصراحه مسالتش عن سعر المبرد ده انا كان حسابي على الكولدير .. فحسب التكلفه يعني ..

وفعلا لو كانو اتنين في كل دور يبقى احسن بكتير واحد عند اوفيس البشمهندسات وواحد عند المهندسين ..

بس المهم الموافقه ..

شكرا يا بشمهندسه على فكرتك واحنا ان شاء الله معاكى ومع القائمين على الموضوع بس شوفوا الكليه ممكن تكون خطوه المياه دى فى خطة الكليه الله اعلم اصل الكليه لسا فيها تجهيزات كتير مش خلصت ويمكن اما يلاقوا الطلب عليها ينفذوها

شكرا يابشمهندس احمد خليل على كلام حضرتك ..
بس انا جه في بالي انه فعلا هما الي لازم يجيبو المبرد من عندهم هما بجملة كل حاجه بنعملها بندفع عليها فلوس يعني ..
بس لو على كده احنا قدامنا كمان سنتين على مايوافقوا لان ده بالنسبه ليهم خساره وفلوس بتدفع وهيقولولنا مفيش ميزانيه دلوقتي في تجهيزات اهم .. فعلشان كده انا قلت نجمع مع بعضنا ..

بس احنا ممكن الاول نطلب منهم على حسابهم والله رفضوا خلاص يجبولنا الموافقه واحنا نجيبها على حسابنا واهي صدقه لله بقى ..


Eng_Elzamalkawy
ميرسي لحضرتك يابشمهندس .. بس حتى ولو هتتنفذ في الخطه المستقبليه مش مشكله اذا استعجلناها يعني مش هتعطلهم عن اي حاجع بيعملوها سواء في التجهيزات او غيره ..

gedoo_adel
شكرا لحضرتك يابشمهندس .. وبالنسبه لمكتب العميد احنا دخلناه ومن كتر الحر ياحرام مشغلين المراوح مع التكيفات ربنا معاهم ..
وفعلا اهم حاجه الموافقه لاني معتقدش هيتوافق لنا على حاجه بس ربنا معانا..وبالنسبه للكولدير فلا مبرد المياه افضل حتى يعني هتكون الميه بتتغير باستمرار مش زي الكولدير منضمنش تراكم الميه واهمالها هيسبب فيها بكتيريا وامراض ..

فكره جامده فحت

انا اكتر حد بعانى من العطش فى الكليه والله

ربنا يسهل والاتنين جنيه بتوعى اعتبروهم اندفعو ههههههه

ميرسى ليك يا بوب
وتسلملى دماغك

reko

شكرا يابشمهندس ..


بس مفيش اي اخبار عن الموافقه ولا ايه ؟؟

بسم الله الرحمن الرحيم
اعتذر عن عدم الرد بسرعه
فكره جميله يا بشمهندسه
سيتم عرض الموضوع يوم الاحد والاتنين ع العميد بجميع جوانبه
وان شاء الله خير

فكرة كويسة جدااااااااااااا

شكرا يابشمهندس محمود على اهتمام حضرتك .. وفي انتظار رد العميد ان شاء الله ..

شكرا يابشمهندس خالد ..

مبروك يا بشمهندسين
وانتظروا الكولديرات
ف الايام الجاية من غير اي فلوس او جمع اي حاجه من الطلبه.
اي واحد ف الكلية عنده مشكله الاتحاد كله معاه لحد النهاية.