°¨™¤I منتدى هندسه كفرالشيخ I¤™¨°

السلام عليكم ورحمة الله
اخى الزائر الكريم
أسعدنا تشريفك للمنتدى
ونأمل فى الاستفادة منك وتقديم الفائددة لك
فلا تحرمنا وإياك من الفائدة
لكى تتمكن من المشاركه معنا
تفضل بالتسجيل فى المنتدى
إدارة المنتدى

•^v^–[ مهندسون تحت الانشاء ]–^v^•


    إزاى أفكر فى مشروع الديزاين ؟؟؟

    شاطر
    avatar
    pretty_angel
    مهندس مميز جدا
    مهندس مميز جدا

    انثى
    عدد الرسائل : 1014
    العمر : 26
    الجنسية : مصريه
    المهنه :
    المزاج :
    تاريخ التسجيل : 19/08/2009

    مثبت إزاى أفكر فى مشروع الديزاين ؟؟؟

    مُساهمة من طرف pretty_angel في 26/10/10, 01:31 pm

    أول حاجه هفكر فيها حاجه أسمها الزوننج zoning ومعناه أيه ؟؟؟
    هو علاقة العناصر ببعضها داخل المنشأ ... أيه الكلام ده؟؟
    1- وعلاقة المطبخ وغرفة الطعام قوية ولا ضعيفه؟؟؟
    2- وعلاقة الحمام بغرف النوم قويه ولا ضعيفه؟؟؟
    3- وعلاقة المدخل بصالة الاستقبال ؟؟؟
    4- وعلاقة المدخل بالمطبخ ؟؟؟
    5- والمدخل بالحمام ؟؟؟؟
    6- علاقة الصالون بغرف النوم؟؟؟؟
    كل دى لو قدرنا نحلها يبقى احنا عدينا ما يقرب من 70% من البلان ومش فاضل غير الفورم form الشكل يعنى
    رقم:
    1- علاقة المطبخ وغرفة الطعام قوية جدا لأنى بقوم بالتخديم على السفرة من خلال شباك المناوله لذلك يجب أن تكون غرفة الطعام مباشرة بجوار المطبخ.
    2- وعلاقة الحمام بغرف النوم تكون قوية جدا لذلك يستحسن أو يجب وضع الحمام بين غرفتى النوم فى الشاليه ... ليه؟؟؟.....بالبلدى كده اللى لسه صاحى من النوم مبيبقاش شايف قدامه يبقى نمشيه كتير ولا شوية صغيرين خالص ؟؟؟ أكيد شوية صغيرين عشان كده فى ناس بتحط الحمام فى غرفة النوم .
    ملحوظه:الحمام ده غير حمام الضيوف لأن حمام الضيوف أسمه تواليت وبيبقى حوض ومرحاض فقط أما الحمام فيكون به حوض ومرحاض وأستحمام وغيرها من متطلبات المنزل
    3- علاقة المدخل بصالة الاستقبال وهى علاقة قوية جدا حيث يتم وضع الصالة بأقرب مكان بجوار المدخل حتى إزاى أتى الضيف يدخل إلى غرفة الاستقبال بدون ان يكشف جزء من البيت "شرقيين بقى J" وفى حاجه كمان لازم المدخل يؤدى إلى صالة توزيع والصالة دى هى اللى بتودينى بعد كده على المطبخ وغرف النوم والصالون وغيرها.
    4- أما عن علاقة المدخل بالمطبخ فيمكن أن نقول أنها قوية لأنه من المستحسن ان يتم وضع المطبخ أمام المدخل أو بمكان ما بجواره حتى يسهل على أهل البيت الدخول إليه بشكل سريع لكى لا ترهقهم الأشياء الثقيله التى يحملوها.
    5- أما عن علاقة المدخل بالحمام فهى إلى حد ما متوسطه حيث أنه هناك من يضع الحمام بجوار الباب وهو مفضل نظرا لظروف ما تحدث للشخص خارج المنزل فعندما يدخل يجد الحمام ولا يحتاج أن يسير له كثيرا
    6- وعلاقة الصالون بغرف النوم فهى ضعيفه جدا وتكاد تكون منعدمه لأن الصالون هو شئ عام يدخله الأقارب والاغراب أما غرف النوم فهى الجزء الخاص فى المنزل لا يجب أن يراه الأغراب أو حتى يشعروا بمكانه لذلك يجب فصل الجزء العام عن الجزء الخاص فصلا نهائياً حتى لا يجرح الضيوف المنزل "وهذا ما يسمى بالخصوصيه".



    ودلوقتى بعد ما اتكلمنا عن ال zoning نتكلم على أيه تانى؟؟؟؟
    هنتكلم بعد كده عن التوجيه Orientation ... ايه الكلام ده بقـــــــــــــــى؟؟؟!!!
    معنى التوجيه أيه ... طبعا كلنا عارفين الإتجاهات الأربعه "الشمال والجنوب والشرق والغرب" صح؟؟؟
    التوجيه بقى هو انى أحط كل عنصر من عناصر المنشأ فى مكانه الصحيح بالنسبه للإحداثيات الأربعه ... الكلام ده زى الفل صح؟
    طيب نتكلم بقى فى المفيد :
    1- غرف النوم : دلوقتى غرف النوم لما كل واحد فينا يبى صاحى الصبح من النوم بيفتح الغرفه عشان تتهوى صح ومن هنا لازم نعرض الغرفه للهواء والشمس لكى يتم تنقية الغرفه من الميكروبات أو أى شئ بها قد يضر الانسان ولتجديد هواء الغرفه أيضا لذلك يجب وضع غرف النوم فى الشرق أو الشمال الشرقى لكى يتحقق ذلك.
    2- الحمامات : كلنا يعلم ان الرياح فى مصر شماليه غربيه لذلك سنجد من يضع الحمامات فى الشمال او الغرب أو الشمال الغربى طيب ده مفكرش إن الرياح هتأخد الروائح الخارجه من الحمام وتدخلها البيت من الداخل لذلك فوضع الحمامات فى الشمال والغرب والشمال الغربى خاطئ لذلك يجب وضعها فى فى الجنوب حتى تكون بعيده عن الرياح وتتحرك كل روائحها مع اتجاه الرياح إلى خارج المبنى .
    3- المطبخ : كذلك الحال فى المطبخ مثل الحمامات يجب وضعها فى مكان بحيث لا تأخذ الرياح روائح المطبخ وتقوم بإدخالها إلى المنزل من الداخل ... كما انه يفضل عدم وضع المطبخ والحمام على واجهات المنزل .
    4- غرفة الإستقبال : كل منا يعلم أن غرفة الاستقبال تكون ذات نوافذ كبيره وواسعه لذلك يجب وضعها فى مكان بحيث لا تدخله الشمس إلا جزء من النهار وأفضل مكان لها الشمال ولا يصلح أن توضع فى الجنوب لأن الجنوب عندما تغرب الشمس تظل أطول فترة ممكنه فى الجنوب "باللون الاحمر" وبذلك ستظل داخل الغرفه فترة طويله وستضايق من يجلس فيها .
    5- المدخل : هل ينفع نحط المدخل على الشارع الرئيسى؟؟ هو فى الغالب لا يصلح عشان الدخول والخروج من الشاليه ميكنش مباشر مع الطريق السريع لكن ممكن أخليه فى الطريق الفرعى إن وجد وإن لم يوجد طريق فرعى يتم عمل حارة تهدئه امام المنزل فى الطريق السريع لدخول السياره بها وانفصالها علن الطريق السريع




    ******************************




    الواجهات لأى مشروع لازم تكون متفقه مع المشروع ده يعنى فيلا يبقى واجهات سكنيه مبينى تجارى ليه واجهاته ومبنى إدارى ليه واجهاته مينفعش اخد واجاهات الفيلا للمبنى الادارى وهكذا

    طيب أعمل أيه فى حاجه زى كده ... أنا عندى مشروع فيلا يبقى أروح أتفرج على مشاريع مشابهه للفلل يعنى فلل شاليهات وهكذا .. أبدأ أشوف الواجهات معموله إزاى ماشية بمنظومة ولا عشوائيه أبدأ أحلل الواجهه زى ما حللتم البلانات قبل كده فى البحث بتاعكم قبل المشروع

    طيب انا هحلل الواجهه بناء على أيه؟! ...
    مادة وسائط التعبير البصرى وخاصة مادة الفرى هاند .. الماده دى بجد جميله جدا ... المنظومات اللى بتاخدوها فيها هتفيد جدا يعنى مثلا
    منظومة التكراريه أنى أعمل فتحه معينه فى الواجهه وأبدأ أكررها بحيث يكون شكلها حلو ...
    منظومة التناغم بحيث انى اعمل فتحه فى المبنى وابدأ أكررها على الواجهه ولكن بمقياس مختلف فى كل مره بحيث تعطى فى النهايه شكل تناغم وإيقاء
    منظومة التداخل أنى أبدأ أدخل فتحتين مع بعض بطريقة ما بحيث تكون شكلها مقبول للعين

    طيب فى نقطتين هنا ... ازاى أقدر أحكم على اللى اتقال ده قلت بالإهتمام بمادة الفرى هاند طيب إزاى هعرف إن كانت مقبوله للعين ولا لأ بالمشاهدة المستمرة للمشاريع المشابهه والغير مشابهه هتبدأ عينى تدرب على الكلام ده .. أجى بعد كده أبصض لأى واجهه أقول دى فيها تكرارية ودى فيها تناغم وهكذا ...

    طيب يبقى اتفقنا هنبدأ نتفرج على مشاريع عشان الواجهات والقطاعات كمان ..

    حاجه كمان ... الواجه دايما بتكون مرتبطه بالبلان يعنى المفروض انى انسق ترتيب العناصر بمنظومه معينه من المنظومات اللى با خدها فى مادة الفرى هاند بحيث الواجهه تطلع لوحدها لو عملت كده فى البلان يعنى مثلا

    عنصر كبير وبعديه اتنين صغيرين وبعديهم واحد كبير وهكذا ألاقى فى البلان تكرارية أو تناغم أو تداخل لو عملت كده هلاقى الواجهه معايا شكلها تحفه .
    أبدأ بعد ده كله أعمل واجهتى وأوريها للمعيدين والدكاتره أشوف رأيهم أيه .. هيعدلوهم أعدل وبعدها يعدلوا تانى وهكذا .. أفضل أغير لحد ما أوصل لأقرب أصح حاجه .. وبكده أقدر أوصل لأحسن فكرة فى الواجهات ..


    ونفس الكلام فى القطاع .. لأن القطاع ده من أهم أجزاء المشروع .. بيوضحلى فرق مناسيب المشروع يبقى معملش المشروع منسوب واحد !!!
    شوية سلالم طالعه للمشروع من بره ... سلمتين للحديقه .. سلمتين لنافورة فى منتصف المبنى وهكذا ...


    بالتوفيق إن شاء الله

    avatar
    ENG.LODY
    المدير العام
    المدير العام

    ذكر
    عدد الرسائل : 1718
    العمر : 33
    المهنه :
    المزاج :
    تاريخ التسجيل : 19/12/2007

    مثبت رد: إزاى أفكر فى مشروع الديزاين ؟؟؟

    مُساهمة من طرف ENG.LODY في 26/10/10, 04:14 pm

    ماشاء الله لا قوة الا بالله
    هو دا الشغل
    تسلم الايادى ياباشمهندسة
    الى الامام
    فى انتظار المزيد





    (إن كلماتنا تظل عرائس من الشمع حتى إذا متنا في سبيلها دبَّت فيها الروح وكُتبت لها الحياة)


    avatar
    Great_love
    مهندس مميز جدا
    مهندس مميز جدا

    ذكر
    عدد الرسائل : 2388
    العمر : 29
    الجنسية : مصرى
    المهنه :
    المزاج :
    تاريخ التسجيل : 25/09/2008

    مثبت رد: إزاى أفكر فى مشروع الديزاين ؟؟؟

    مُساهمة من طرف Great_love في 26/10/10, 04:36 pm

    جزاكى الله خيرا
    عن طلبه قسم عماره

    ننتظر لهم المزيد
    avatar
    pretty_angel
    مهندس مميز جدا
    مهندس مميز جدا

    انثى
    عدد الرسائل : 1014
    العمر : 26
    الجنسية : مصريه
    المهنه :
    المزاج :
    تاريخ التسجيل : 19/08/2009

    مثبت رد: إزاى أفكر فى مشروع الديزاين ؟؟؟

    مُساهمة من طرف pretty_angel في 27/10/10, 06:18 am

    ميرسى لمروركم

      الوقت/التاريخ الآن هو 22/04/18, 05:42 pm