مش لاقيه عنوان والله للماساة

بصى يا بشمهندسه اى حد مهما كانت غلاوته بعده بيسبب تعب وجرح
وده طبيعى ووارد عند اى حد احنا بنى آدمين
انا عن نفسى ماشى بمبدأ بعتبره كويس الى حد ما على الاقل بالنسبالى:
انا مش بخسر حد اللى بيبعد هو اللى بيخسرنى وان بعده مكسب ليا مش خساره لان ربنا هيعوضنى بأحسن منه
صحيح دى مش بتحل اوى لو كان الحد ده عزيز جدا
بس مع الوقت بيبقى ليها مفعول السحر اننا نعدى المشكله دى ونواصل حياتنا ومنوقفهاش عند حد معين

عقلى طلعهم بره وكمان راح ياخدهم من قلبى
وكل لحظه ممكن يضعف فيها بيفتكر ويحسبها صح
ويقدر ويشوف العواقب عقلى بيبص لقدام
لانه خسر كتير لما بص لورا
عود نفسه على الحياه من غيرهم لانه واثق ان هو كان مكسب ليهم
ومخسرش فى بعدهم غير انه عرفهم من الاول
عقلى قال ان الدنيا دى مدرسه واحنا فيها تلامذه بنتعلم
بس محدش بيتعلم بالسهل كل درس وله تمنه
عقلى قالى مش مهم اللى راح اللى جاى احسن منه
ومش مهم اللى ضاع لانك كنت لاقيه ومكانش ملكك من الاول
قال حاجات كتير اوى بس اهم حاجه قالها خليك مع ربنا تكسب دنيا واخره
واكيد ربنا مش بيظلم حد بس احنا اللى بنكون مش شايفين صح من الاول

دلوقتى رغم ان عواقب معرفتهم لسه ورايا لحد اول امبارح
بس شفتهم ومعرفتهمش ومفيش شعره اتهزت منى لما عرفت انهم هما
رغم انهم كل شويه يرجعوا بس الباب خلاص اتقفل والمزاد خلص ولمينا القعده ورشينا ميه

حاولى مش هتخسرى هتكسبى حاجات كتير واولها نفسك