اسمع الشيخ امام يغنى للسادات

الشيخ امام جميل جدا بس مش كل حاجه يغنيها تبقي صح
وعلي فكره انا قريت كتاب اكتوبر 73 الحرب والسياسه زي ماحضرتك نصحت
مالقتش فيه ولاكلمه تعيب السادات
في سرد المعلومات فكان السادات علي حق
اما في التحليلات فدي حاجات شخصيه
كان المفروض الاستاذ هيكل يلتزم الحياد في عرض معلومه زي مابيقول هو مصدرها الوحيد
بس الحق يقال تحليلاته كانت غلط جدا
والمفروض لما نقرا كتاب نحلله بعقلنا مش ناخد وجهة نظر صاحبها علي انها مسلم بيها
والي منعرفش كان كاتب الكتاب بعد الحبس ولا قبله بس اكيد بعده
لانه كاتب نظام وليس كاتب شعب اوتاريخ
والسادات شخصيه محترمه جدا وعمل اللي محدش عمله
او لو حد عمله ماكنش هيقدر يحافظ عليه
السادات بطل الحرب والسلام

مفيش شك ان السادات حتى تاريخ 1 نوفمبر 1973 كان كويس جدا باستثناء تدخلة فى عمل القاده وبخاصة الفريق الشاذلى بخصوص ثغرة الديفرسوار وده مصدرى فيها كلام الفريق الجمسى مدير العمليات فى حرب اكتوبر وكلام الفريق الشاذلى رئيس الاركان والتاريخ ده تاريخ لقائة مع وزير خارجية امريكا اليهودى الامريكى الاصل هنرى كيسنجر وعلى فكرة ده مصدرة مزكرات هنرى كيسنجر نفسها مش كتب هيكل برده اما اعتراضى شخصيا على السادات فده من نقطتين اولهم سياستة فى التفاوض مع اسرائيل الذى اعطى فيها اسرائيل كل ما كانو يحلمو به من مصر وهو فى المقام الاول ضمنات امن اسرائيل دون ان يربط ذلك باى تقدم فى القضية الفلسطينية او على الجبهة السورية وده ظاهر نتيجتة الى الان فكلا الجبهتين كما هما وافتكر ان قريت مرة (مش من كتب هيكل ) ان الرئيس حافظ الاسد قال للسادات قبل ميروح القمر قصدى اسرائيل قالة لو ضمنتلى الحد الادنى من حقوقنا هاجى معاك اسرائيل اختلافى معاه كان فى تفاوضه ويكفيه انه اعاد ارضنا كاملة بس مش دور مصر انها تدور على مصالحها لوحدها .الاختلاف التانى معاه كان فى سياستة الاقتصادية وموضوع الانفتاح والى حصل فى مصر بعدية مش محتاج شهاده منى لان احداث 17 و18 يناير سنة 77 تكفى لوصف ما اقولة اما عن كتاب اكتوبر 73 السلاح والسياسة فالكتاب ده لازم عشان تقريه تقرى بقيت السلسلة وهى(ملفات السويس .الانفجار.سنوات الغليان.اكتوبر 73 السلاح والسياسة ) .وعلى فكرة الكلام الى بيقولة هيكل دا راجل قال انة منحاز لفكر ناصرى اشتراكى قومى كل افكارة منبثقة من هذا الاتجاه وهو مش بيفرض راية على حد.وهو كمان عمرة مكان منافق شوفى مقالاتة فى الستينات هتلاقية اكتر واحد كان بينقد فى السياسات الامنية فى الستينات ومن اول اتفاقية فك الارتباط الاولى 1974 وبعديها م}تمر جينيف وفك الاررتباط الثانية وهو بينقد فى سياسات السادات لحد مكان اسمة اول المعتقلين فى سبتمبر 1981 . وبعدين انا عاوزك تقوليلى على كتب لحد تانى او لفكر تانى غير هيكل و عبدالوهاب المسيرى ومصطفى خليل والجمسى والشاذلى واحمد بهاء الدين لو عندك حد كان تحليله صح قوليلى علية.ادخلى على الموقع ده وانتى تعرفى ان هيكل مش الى الى بيطلع على قناة الجزيرة بس هيكل من سنة 1943 وهو حاضر وشاهد على كل الى بيحصل فى البلد دى وعلى فكرة كمان الحكاوى الى بيحكيها فى البرنامج مش من وحى الخيال الكلام ده بينزلة فى كتبة من50 سنة وكان كل ابطالها الحمد لله عايشين ونصيحة وانتى بتقرى كتب هيكل لازم تراعى الترتيب والاهتمام بكل وثيقة حاطتتها لان كتبة بيكون تلتها وثائق .http://haykal.malware-site.www/