البوابه
تذكير بمساهمة فاتح الموضوع :
بسم الله الرحمن الرحيم
السلام عليكم ورحمة الله وبركاته
إزيكم يا جماعة عاملين إيه يارب كلكم تكونوا كويسين وبألف خير
أنا بصراحة كنت محتارة في حاجة مهمة أوي وكنت حابة آخد رأيكم فيها
أنا طالبة في إعدادي هندسة كان جايلي الترشيح بتاعي لكفر الشيخ وأنا أساسا من طنطا وأنا مكنتش اعرف أي حاجة عن كفر الشيخ يعني فطبعا اتضايقت وقلت أنا عايزة طنطا بحيث إنها تكون أقرب وكدة وأنا مكنتش اعرف المسافة أد إيه أو البلد أو الكلية دي عاملة إزاي فالمهم رحت وقدمت طلب تحويل لطنطا ..
أما بدأت الدراسة قلت طيب أروح لحد ما ييجي الرد على الطلب بتاعي وأهو علشان برضة مافييش حاجة تضيع عليا كدة من أولها وبعدين أتبهدل والله يعلم إذا كان الطلب ممكن يتوافق عليه أو لأ فالمهم رحت والحمد لله ارتحت جدا هناك وكل حاجة كويسة وتمام البنات الحمد لله كويسين جدا الدكاترة والمعيد اللي دخللنا في أول أسبوع الحمد لله كل حاجة كويسة جدا والعدد جميل جدا كمان وارتحت وفرحت بيها ككلية وبقيت أدعي ربنا إنه يقدملي الخير في الكلية دي ...
دلوقتي بقى جالي الرد ووافقوا على الطلب بتاعي بس بصراحة أنا مش بقيت عايزة أسيب كفر الشيخ فمامتي وبابايا وكدة يعني قالولي طيب روحي وشوفي وكمان علشان المواصلات والشتا وممكن السكاشن تتأخر ل بالليل فهترجعي لوحدك إزاي وكدة فالمهم رحت داومت يومين هنا في طنطا الأحد والاثنين لإن الثلاثاء هنا كان اجازة بصراحة اول ما رحت ما ارتحتش هناك خالص العدد هناك مش طبيعي ويوم لو حصل ظرف ولا حاجة وجيت متأخرة شوية هقعد ورا وهيبقى زيي زي اللي ما جاش تمام لا شايف ولا سامع حاجة تكون بادئ المسئلة مع الدكتور وفجأة تلاقيها خلصت إمتى ليه إزاي الله أعلم وكمان عما تشوف اللي على السبورة وتيجي تكتب تلاقي نفسك شايف الخط 2 يعني حول بعيد عنكم يعني وحاجات تانية كتيرة ..
أنا شايفة إن كفر الشيخ أحسن في كل حاجة بس مشكلتي الوحيدة دلوقتي المواصلات وإني معرفتش حد في جامعة كفر الشيخ ساكن في طنطا بحيث إني أروح وآجي معاها ..
ومش بقيت عارفة والله أعمل إيه محتارة حيرة فظيعة وحيرتهم كلهم معايا وماحدش عارف يقولي إيه غير إن المواصلات والشتا وهتتبهدلي وكدة وعلشان كدة بيفضلولي طنطا بس أما قلتلهم على مساوئ طنطا برضة وحطيت أدامهم دي ودي وقارنت ما بينهم إحتاروا زيي تمام ومافيش قدامنا غير صلاة الاستخارة وأديني بصلي وهما كمان بيصلولي
أنا دلوقتي حابة أعرف رأيكم ماذا تفعل لو كنت مكاني ؟؟ أنا بجد محتارة جدا وتعبت جدا من الحكاية دي لإني تايهة ومش عارفة أعمل إيه حتى في طنطا وأنا بحضر علشان إسمي لسة منزلش فيها فبرضة مش مستقرة أنا تعبت ونفسي استقر وأبدأ أشوف نفسي علشان الامتحانات شهر ونص شهرين وتبدأ فبجد أتمنى إن إنتم تفيدوني وتساعدوني في الحكاية دي و حقيقي أكون لكم من الشاكرين ...
ومعلش أنا آسفة طولت عليكم بس هو موضوع متعب قوي :$ :$
السلام عليكم ورحمة الله وبركاته
إزيكم يا جماعة عاملين إيه يارب كلكم تكونوا كويسين وبألف خير
أنا بصراحة كنت محتارة في حاجة مهمة أوي وكنت حابة آخد رأيكم فيها
أنا طالبة في إعدادي هندسة كان جايلي الترشيح بتاعي لكفر الشيخ وأنا أساسا من طنطا وأنا مكنتش اعرف أي حاجة عن كفر الشيخ يعني فطبعا اتضايقت وقلت أنا عايزة طنطا بحيث إنها تكون أقرب وكدة وأنا مكنتش اعرف المسافة أد إيه أو البلد أو الكلية دي عاملة إزاي فالمهم رحت وقدمت طلب تحويل لطنطا ..
أما بدأت الدراسة قلت طيب أروح لحد ما ييجي الرد على الطلب بتاعي وأهو علشان برضة مافييش حاجة تضيع عليا كدة من أولها وبعدين أتبهدل والله يعلم إذا كان الطلب ممكن يتوافق عليه أو لأ فالمهم رحت والحمد لله ارتحت جدا هناك وكل حاجة كويسة وتمام البنات الحمد لله كويسين جدا الدكاترة والمعيد اللي دخللنا في أول أسبوع الحمد لله كل حاجة كويسة جدا والعدد جميل جدا كمان وارتحت وفرحت بيها ككلية وبقيت أدعي ربنا إنه يقدملي الخير في الكلية دي ...
دلوقتي بقى جالي الرد ووافقوا على الطلب بتاعي بس بصراحة أنا مش بقيت عايزة أسيب كفر الشيخ فمامتي وبابايا وكدة يعني قالولي طيب روحي وشوفي وكمان علشان المواصلات والشتا وممكن السكاشن تتأخر ل بالليل فهترجعي لوحدك إزاي وكدة فالمهم رحت داومت يومين هنا في طنطا الأحد والاثنين لإن الثلاثاء هنا كان اجازة بصراحة اول ما رحت ما ارتحتش هناك خالص العدد هناك مش طبيعي ويوم لو حصل ظرف ولا حاجة وجيت متأخرة شوية هقعد ورا وهيبقى زيي زي اللي ما جاش تمام لا شايف ولا سامع حاجة تكون بادئ المسئلة مع الدكتور وفجأة تلاقيها خلصت إمتى ليه إزاي الله أعلم وكمان عما تشوف اللي على السبورة وتيجي تكتب تلاقي نفسك شايف الخط 2 يعني حول بعيد عنكم يعني وحاجات تانية كتيرة ..
أنا شايفة إن كفر الشيخ أحسن في كل حاجة بس مشكلتي الوحيدة دلوقتي المواصلات وإني معرفتش حد في جامعة كفر الشيخ ساكن في طنطا بحيث إني أروح وآجي معاها ..
ومش بقيت عارفة والله أعمل إيه محتارة حيرة فظيعة وحيرتهم كلهم معايا وماحدش عارف يقولي إيه غير إن المواصلات والشتا وهتتبهدلي وكدة وعلشان كدة بيفضلولي طنطا بس أما قلتلهم على مساوئ طنطا برضة وحطيت أدامهم دي ودي وقارنت ما بينهم إحتاروا زيي تمام ومافيش قدامنا غير صلاة الاستخارة وأديني بصلي وهما كمان بيصلولي
أنا دلوقتي حابة أعرف رأيكم ماذا تفعل لو كنت مكاني ؟؟ أنا بجد محتارة جدا وتعبت جدا من الحكاية دي لإني تايهة ومش عارفة أعمل إيه حتى في طنطا وأنا بحضر علشان إسمي لسة منزلش فيها فبرضة مش مستقرة أنا تعبت ونفسي استقر وأبدأ أشوف نفسي علشان الامتحانات شهر ونص شهرين وتبدأ فبجد أتمنى إن إنتم تفيدوني وتساعدوني في الحكاية دي و حقيقي أكون لكم من الشاكرين ...
ومعلش أنا آسفة طولت عليكم بس هو موضوع متعب قوي :$ :$
.
