••.•´¯`•.•• (وكانت السبب خــنـاقــه ) ••.•´¯`•.••

للأسف كلامك كله سليم
الواحد بئا بيخاف يمشى فى الشارع لتقوم خناقه على ربع جنيه ولا واحد خبط واحد من غير قصد
الناس بئا خلقها ضيق اوى ومابيصدقوا يلاقوا حاجه يطلعوا فيها كبتهم
وللأسف الظروف اللى فى مصر مساعده على ده لو كل واحد كان واثق انه لو اتجه للقانون وراح اشتكى وخد حقه مكانش هيتخانق ولا بتاع
انما عشان واحد يروح يعمل محضر يا اما يتاخد فى الرجلين ويتلفقله تهمه يا اما حلينى بئا اما يتحكمله فى قضيه
الناس بئت تستسهل وتقول اخد حقى بدراعى
وده طبعا بييجى على حساب ناس تانيه غلابه
كمان الاعلام ماشى مع التيار ده باللى بيقدمه من عنف ودم
للأسف..........

الجواب سهل جدا يا ابوخليل يتلخص في
البعد عن تعاليم الاسلام بين المسلمين
مما ادي الي الاتجاه الانحراف واستخدام السبل الغير مشروعه لتحصيل اكبر ربح منكن
ودا بيجي علي حساب مصلحه الناس و الاساءه في التعامل معهم
مما يجعمل كثير من الناس يضطروون لاستخدام الباطل لارجاع الحق لاصحابه
وذالك يحدث ف تغيب تام لصوت الحق
ودا نتج عن تخلي الحكومه عن دورها الرادع في اظهار الحق وازهاق الباطل فينتشر الخوف

كلامك مظبوط جدا يا دعاء
كلامك مظبوط جدا ياطه

بس ليه مانضيفش عليهم اسباب تانيه كتييييييييييير

ليه ميكونش سبب البلطجه انفصال الاب عن الام ويسيبوا ابنهم من غير مراعاه في الشوارع
ويبقي مالوش حد يوعيه ويبقي من قطاع الطرق وم البلطجيه؟؟؟

ليه ميكونش من ضمن الاسباب البطاله وعدم توافر العمل فبيلجأوا للبلطجه؟؟

ليه متكونش البيئه اللي اتربي فيها هي اللي اجبرته ان يبقي قلبه ميت وبتاع خناقات؟

ليه متكونش حكومتنا هي اللي مش قادره توفرلنا الحمايه؟؟؟

السبب زي ما انا شايفه ان فيه ناس فعلا ما بتيجيش الا بالضرب

يعني واحد انته مسكنه في شقتك وعاوز تجوز فيها ابنك
يقولك لأ مش طالع

هاتعمل ايه غير انك تتعين ببلطجي وتديله فلوس بعد ما يخلصلك

الخدامة اخدت الانسيال بتاع المدام بتاعتك وبتقول لو شرحتوني مش جايباه
هاتعمل ايه غير انك توديها لبلطجي يطلعه من عينيها

و غيره وغيره

قام كل واحد عاطل شايف نفسه واد عضلات
قام اشتغل بلطجي

وشوية شوية كتروا البلطجية ف البلد

وبقى كل واحد يطلعله عضله يروح يستقوى على اللي حواليه ويبلطج عليهم

وكتروا البلطجية وكترت البلطجة

وتوتة توتة خلصت الحدوته
ههههههه