من ارشيف ذكرياتي.."ريم"

دي من اول قصايد الغزل اللي اكتبها ومن اول قصايدي عموما
اما قصتها ف بعدين



راء: رجائي اني اطلع من الجحيم
ياء:يمامة جت خدتني للنعيم
ميم:مكنتش عمري ابدا عبـ حليم
قبل ماعرف او اشوف صورتك يا ريم
* * * * * *
راء:رجائي ان ينشال العذاب
ياء:يا واخد قلبي عندك للسحاب
ميم:مكنتش عمري ابدا عبـ وهاب
بس اسمك احيا قلبي من الرميم
* * * * * * *
روح يا واخد قلبي عنك للسما
ياللي شوفتك شالت عن عيني العما
مين اقوله غيرك وسط الملحمة
روح فؤادي انته والله العظيم
* * * * * * *
روح فؤادي ونبض قلبي ونور عنيا
ياما شفت وياما ناس عدت عليا
ما افتكرش ان في حياتي ولو شوية
شفت غيرك حد جابني في الصميم
* * * * * * *
رسمة عدت بين عيوني شفت فيها
يعني زي النور وسايح بين عنيها
مين يقولي يا ناس دي مين يقدر عليها
نظرة واحدة وقلبي سلم للكريم
* * * * * * *
رجتيلي بنور عنيكي كل كوني
يستحيل كل الجمال دا دخل عيوني
مستعد احلف بان سبب جنوني
نور وصلي من عنيكي جميل وسيم
* * * * * * *
راسي لفت لما شفت جمال شفايفك
يمكن السحر اللي فيها ماكنش عارفك
ما انتبهتش من جمالها اني شايفك
من يوميها معاش قلبي يومين سليم
* * * * * * * *
رنة بترن في دماغي من جمالها
يسحر الجن اللي شاله واللي شالها
من جمالها قلبي رفرف في خيالها
من ساعتها وقلبي على جسمي الزعيم
* * * * * * *
رصة مرصوصة بعنايه متقنة
ينسى بيها الحي ايام السنة
عبى قلبي منها فقالوا:بالهنا
عقلي لما حس انه كان بهيم
* * * * * * *
ريم يا احلى ما في حياتي وفي وجودي
ياللي كونتي بجمالك بحر جودي
من عنيكي شلتي كل جبال جمودي
لمسة منك خلت العيان سليم


بقلم : الفارس