°¨™¤I منتدى هندسه كفرالشيخ I¤™¨°

السلام عليكم ورحمة الله
اخى الزائر الكريم
أسعدنا تشريفك للمنتدى
ونأمل فى الاستفادة منك وتقديم الفائددة لك
فلا تحرمنا وإياك من الفائدة
لكى تتمكن من المشاركه معنا
تفضل بالتسجيل فى المنتدى
إدارة المنتدى

•^v^–[ مهندسون تحت الانشاء ]–^v^•


    لو قلبك مادقش بعد الكلام ده!!...راجع نفسك...

    شاطر
    avatar
    emaaa
    بكالوريوس منتدى
    بكالوريوس منتدى

    انثى
    عدد الرسائل : 100
    تاريخ التسجيل : 20/02/2009

    new لو قلبك مادقش بعد الكلام ده!!...راجع نفسك...

    مُساهمة من طرف emaaa في 20/04/09, 05:05 pm

    بسم الله والصلاة والسلام على رسول الله...

    النهردة حبيت اشارك معاكم بحديث قدسى ..بس جامد جدا..رغم معرفتنا به..بس كل مرة بنقوله قلوبنا لازم ترتجف من حب ربنا ..يارب يكون مفيد ويكون سبب فى شرح صدورنا..


    تعالى نشوف الجمال وبعدين نحاول نفهمه مع بعض ببساطة ...كعادتنا مع بعض...




    يقول الله فى الحديث القدسى:



    انى والانس والجن فى نبا عظيم،اخلق ويعبد غيرى،ارزق ويشكر سواى خيرى الى العباد نازل وشرهم الى صاعد،



    اتودد اليهم بالنعم وانا الغنى عنهم ويتبغضون الى بالمعاصى وهم افقر ما يكونون الى،اهل ذكرى اهل مجالستى،من اراد ان يجالسنى فليذكرنى،اهل طاعتى اهل محبتى،اهل معصيتى لا اقنطهم من رحمتى،



    ان تابوا الى فانا حبيبهم، وان أبوا فانا طبيبهم،
    أبتليهم بالمصائب لأطهرهم من المعايب،من اتانى منهم تائبا تلقيته من بعيد،ومن أعرض ناديته من قريب،

    أقول له: اين تذهب؟ الك رب سواى،الحسنة عندى بعشرة أمثالها و ازيد،والسيئة عندى بمثلها واعفو،وعزتى وجلالى لو استغفرونى منها لغفرتها لهم.......




    ياااا يارب...يا على عظمتك وحبك لينا وعلى رافتك بينا...





    شوفوا ربنا سبحانه وتعالى اللى قادر يخسف بينا الارض واحنا بنعصيه..بيتكلم بلهجة مليانة حنية ازاى....انت حاسس بالحنية دى..







    شوف ربنا بيستغرب من عمايلنا وذنوبنا...منعم علينا ومدينا كل حاجة احنا محتاجينها ..و اللى بيشرك بيه..واللى بيفكر ان هو السبب فى النعيم اللى عايش فيه وميذكرش فضل ربنا عليه ابدا...








    انت مش حاسس بكلمة اتودد دى ..مش شايفها..احنا قلوبنا دى حجر ولا ايه يااخوانا ..








    ربنا العظيم بيقول انه بيتودد لينا بيقربلنا عشان نحبه ...عايز يدينا كل حاجة اللى هى فعلا عندنا بس احنا اللى مش واخدين بالنا...






    لا والاكتر من كده ان يدينا النعمة... ونعصيه بيها سبحان الله علينا ..وعلى صبره وحلمه بينا.....





    اديك مثال ..تخيل البنت مثلا اللى ربنا منعم عليها بالجمال ..نعمة ..ونعمة كبيرة....مش تستر نفسها بقى وتشكر ربنا ع النعمة دى بالحفاظ عليها وصيانة نفسها...لا ليه تطيع ربنا؟؟..




    دى بتبارز ربنا بالنعمة بتاعته..تخرج وتتبرج وتكلم شباب وتغويهم..كارثة ..كارثة والله...منتهى الجحود..






    ولا تخيل الشاب الللى ربنا انعم عليه وبقى عنده سيارة ..وهو شايف قد ايه الناس بتتعب عشان تروح بيوتها فى المواصلات...



    شكر النعمة بتاعته..ان السيارة دى طول النهار طالع منها الاغانى..وبالليل مليانة بنات والعياذ بالله..




    ولا حول ولا قوة الا بالله..
    سبحانك على حلمك بينا يارب...سبحانك على صبرك ياحبيبى..

    قلبى بيتقطع لما افتكر سترك عليا..والعيوب بتاعتنا اللى داريتها عن الناس..






    انت شايف وهوبيقول على الناس اللى بتذكره ..انهم اهل مجالسته..يعنى وانت بتذكر ربناكده تخيل انه سامع حديثك وبيرد عليك..







    بس فين بقى ياحبيب قلبى ...فوق ...فووووق ...مش عندنا فى الملا الاعلى عنده...يااااا





    ...ولا لا وكمان وهوويقول سبحانه ..ان اهل الطاعة هما احبابه اللى بيحبهم واهل محبته..ياسلااام..وانت مش واخد بالك من كلمة اهل دى ولا ايه؟؟...




    مش حاسس لسه بالشرف ده...
    ياعينى ياغلبان..







    انت لسه مبكيتش ...لسه قلبك ماتفطرش


    انت متخيل مين اللى بيكلمك...انت متخيل مين اللى بيتحايل عليك عشان ترجعله...






    شوف.. اسمع وهو بيقول على اللى بيعصوه مبيبعدهمش ابدا من رحمته..ده الرحيم يااخوانا ..ده الحليم..ده الله...







    مش كده وبس ده انت لو تبت حيبقى حبيبك ..اسمع يابنى ياحبيبى...خد بالك بس...افهم كويس بلاش كروتة..حبيبهم يعنى هو اللى حبيبك ..مش بيقول انت اللى بتحبه...





    هو طبيبك اللى عارف ايه اللى بيريحك..عارف راحة قلبك فين..عارف سعادتك فين..عارف ايه اللى ينفعك....





    avatar
    Great_love
    مهندس مميز جدا
    مهندس مميز جدا

    ذكر
    عدد الرسائل : 2388
    العمر : 28
    الجنسية : مصرى
    المهنه :
    المزاج :
    تاريخ التسجيل : 25/09/2008

    new رد: لو قلبك مادقش بعد الكلام ده!!...راجع نفسك...

    مُساهمة من طرف Great_love في 20/04/09, 10:42 pm

    موضوع جميل

    أحمد مختار
    اولى منتدى
    اولى منتدى

    ذكر
    عدد الرسائل : 30
    الجنسية : مصرى
    المهنه :
    المزاج :
    تاريخ التسجيل : 21/04/2009

    new رد: لو قلبك مادقش بعد الكلام ده!!...راجع نفسك...

    مُساهمة من طرف أحمد مختار في 21/04/09, 03:07 am

    جزاك الله خير على الموضوع القيم الرائع
    نسأل الله تعالى ان نستفيد به جميعاً ونسأله أن يهدينا ويسترنا
    لكن لى تعقيب بسيط على هذه الجملة ( [b]شوف ربنا بيستغرب من عمايلنا وذنوبنا)
    يعنى بلاش كلمة يستغرب دى ، لنها ممكن تساوى فى المعنى ( يندهش) والمندهش هو من يفاجىء بأمر ما ، لكن الله لا يندهش فهو يعلم ما كان ومايكون وماسيكون ومالم يكن لو كان كيف يكون
    لكن الله ثبت عنه سبحانه أنه ( يعجب ) وهناك فرق بين يعجب ( مع علمه ) ويندهش ( والتى توحى بالمفاجأه) وبالتالى ممكن تغير كلمة ( ربنا بيستغرب ) وتخليها ( ربنا يعجب ) وأرجو ان تتقبل كلامى بصدر رحب
    بارك الله فيك
    avatar
    alymosaad
    مهندس مميز جدا
    مهندس مميز جدا

    ذكر
    عدد الرسائل : 744
    الجنسية : مصرى
    المهنه :
    المزاج :
    تاريخ التسجيل : 09/04/2009

    new رد: لو قلبك مادقش بعد الكلام ده!!...راجع نفسك...

    مُساهمة من طرف alymosaad في 21/04/09, 03:45 am

    بارك الله فيكما
    صاحب الموضوع وصاحب الرد

      الوقت/التاريخ الآن هو 19/10/17, 09:27 pm