البوابه
من طرف ازيكم ياحلوين ؟
موضوعي مش جديد عليكم اكيد اغلبيتكم المغتلبة على امرها ..
اقصد اغلبيتكم العظمى اتعرضوو للحاجة دي
استنووووووو كدا شوفتو كنتو هتنسوووني
الاول .. قبل ما تقرأ أي حاجة
معاك واسطة ؟؟؟؟؟؟؟
لو مش معااك واسطة يلا منعطلكش براااااااا
هههههههههههههه لالالالالالالالالالالا
ولا اقولك خلاص خلاص يوه انت ماصدقت
تعالى انا مش زيهم .. مش هسألك معاك وسطة
ولا لاء
شوفت انا اخلاقي اخلاق مهندسين ازاااااااااااي
تعالى هنا بقى
كلمتى النهاردة ::::
معاااااااااااك واسطة ؟ فل عليك
معاك الشهادة .. طيب يابني اركن كدا على جنب
معاك واسطة !! ممكن متكنش بتسمع بالمباشر على طول كدا
لاء بتتقالك بالغيرمباشر وساعات ناس ما شاء الله عليها بتجيب
من اخر الصفحة يعني انجز مش ناقصين وجع دماغ معاك واسطة ؟
اهلنات ووسهلانات بيك ياسيدي
مش معاك ؟؟ يبقى عشان متتعبش نفسوياتك ونفسوياتنا
امشي دلوقتي وتعالى زي دوقتي بعد خمشتاشر سنة !!!!!!!!
اكيد دلوقتي عرفتو انا بتكلم عن ايييييييه ؟
ايه معرفتوووش طيب خدو شويا الأمثلة دي :
صاحبنا لسة متخرج مالجامعة وكله نشاط وحيوية بقى
اخيرا خلصت وهبدأ حياتي بقى ووو ...
وفى الاخر قال اما اروح بقى الف عالشركات لعل وعسى الاقي شغل ...
راح عند اول شركة لسه صاحبنا هيقول
السلام عليـ .......
معلش يابني احنا مش فاضين دلوقتي ، مفيش شغل ،
ابقى سيب الc.v بتاعك وهنبعتلك بكرا ....
الواد لسة متفاءلقال ومالو النهاردة من بكرا مش كتير
كلها تلاتة كيلو نوم وهيجي بكرا المهم
راح بقا لشركة تانية .. تالتة .. والرابعة والخاااااااامسة و
وعالميكروباص بقى خلاااااااااااص الامل ماااات واندفن جوااه وقطع الشهادة وغمسها بالايس كريم ,
لان مدير الشركة قالو بلها واشرب ميتهاا
وهو بيفضل الايس كريم عن مية الشهادة !!!!!!!!!!!!!!
لا حول ولا قوة اللا بالله العلي العظيم ....
تعالو بقا للمثل التاني >>>>>
انسان صاايع ضااايع مش عارف احنا امبارح ولا أول امبارح ؟
كل اللي همه .. انه يتعرف على بنات ويخرج مع سوسو
ويخاصم زوزي ويسهر فين النهاردة ؟
وهيشتري ايه بفلوس بابي (ربنا يخليهوله )
اتخرج من الجامعة بعد بكرا هييييييييه مقبووول بالعافية
وبالغش كمااااان واربعة كيلو برشاام
( برشام من اللي بيتكتب ده مش اللي بيتشرب )
واهله بقى مش عارفين يعملولو ايه ؟ قام بابي (ربنا يخلهوله )
رافع سماعة الدكتور يوه اقصد سماعة التيليفون
وطالب نجوم اف ام يالهوي اقصد طلب سيادة معالي المستر (الاستاذ )
وقالو
ياباشا ابني لسة متخرج مالجامعة وياريت تشوفله أي شغلانة معاك
اهو عالاقل يجيب تمن السجاير اللي بيطفحها
اووه سوري اقصد اللي بيشربهاا
معالي المستر قالو بس كدا ........ يصدر فى الحاااااال قرار بتعينه
هو ابن حضرتك اسمو ايه ؟ اسمو فوفو
( ايوا فوفو ياخويا ربنا يخليه للبابى بتاعه )
حاضر يا ابو فوفو بكرا ابعت فوفو يستلم الوظيفة ..
عملتلي ايه فى طقم الصيني اللي قولت هتجهولي
اصل مراتي قرفاني بقالها شهر !!!!
والواد يووه اقصد الاستاذ فوفو راح الشغل
لا واييييه بقى مكتب طول بعرض ياحلاوة يولاد كل دا عشان طقم الصيني ؟ اومال لو ابو فوفو كان جاب لمعالي المستر دا المطبخ كامل
كان عمله شركة جديدة ؟؟
وفوفو بقى مش مصدق نفسو انه اتعيين فى المكان دا
وكل شوية يشخط وينطر ويغسل فى خلق ربنا
ومعاه عالتليفون ميمي بيقولها هاا ياميمي ( واللبانة فى بؤه )
هنخرج فين النهاردة ؟؟؟
لا حول ولا قوة اللا بالله العلي العظيم
المثالين دول بنشوفهم كتير وبيحصل كتير قدام عنينا
دا اذا مكنش بيحصلنا احنا شخصياًً !
هو خلاص الحياة معتدش هتنفع من غير الواكسة اااقصد الواسطة ؟
يعني الشاب الممتاز اللي الاول على دفعته يعيني معندوش وسطى قام بالل الشهادة وغمسها بالايس كريم
وتاني ابن انكل ابو فوفو ناجح بالعافية وغش كماان ويتعين بالسهولة دي
وهو ميستحقش يقعد عالقهوووة حتى ؟؟
بجد لا حول ولا قوة الا بالله
ازاي هنلغي الواسطة من حياتنا ؟
ازاي ندي اللي يستحق كذا كذا نديلو
واللي ميستحقش نديلو بردو بس على نفوخه
ازااااااي وازاااااي وازاااااي ؟؟؟؟؟؟؟
اووووووووه تعبت
وتعبتكم معايا انا عارف رغيت كتير اوي
بس ياريت اللي يعرف حل للموضوع او امثلة من عالم الواقع يجي يقولنا
معلش طولت عليكم
ازاي هنتعااااااااااااااالج من العادة السيئة دي ؟؟؟
منتظر رأيكم
اللي تعب من كتر حط المواضيع في القسم ده ومحدش بيعبر
احمد بن خوليو
المراقب بتاعكوا هل من معترض؟؟؟
