انـــــــــــــــا

هذا أنا .. قلب متكسر ماجنى
غير الجروح العابثه .. وأشياء من شعر وصور ..
غير السنين اللي مضت والذكريات المؤمنه .. ان الصبر خيره كثير
ياقف على باب الفرج وان الامل نوره بصير ..
متمسك بخيط اللقى .. والوقت يتساقط شقى .. شقى .. شقى ..
متمرده ياذي الحروف .. تنساب في أوراقي نثر .. حر وشعر
منضوم من قبل الورق .. حتى الورق خاف الفراق ..
مابين حبره والحنين .. يمكن ونين !!
يمكن يخاف من الحقيقه لادنت ..
والمفترق .. يفتح نهاياته طرق ..
يفتح بدايات الضياع ..
كم دمعة عيت تسيل .. متشبثه بالمستحيل ..
إنك تجي وانك على خبري اصيل ..
الله ياخذ هالغياااب ..
كاني تنثرت بلظاه ..
واستل من صدري حكي .. ماله مدى ..
والصوت ضيعه الصدى ..
وش فيني ماهي عادتي ..!! اكتب كلامي وانفضح ..
ياعاذلي ارقص فرح ..
محسودك اصبح واحد(ن) ماله سوى ظل وضياع ..
كن الضلوع اتكسرت بين الألم والإنتظار ..
كم راح من عمري نهار ...
السالفه ذابت هدر .. تستغفل الطيبه وجيه ..
وتسافر بليا عذر .. والبال مليان اسئله ..
تبلله دمعة سكوت .. ومن القهر عيت تموت ..
عيت تريّح خافقـ(ن) متعودن يصد ويفوت ..
من كل ضيقه عابره .. تكسرت كل الوجيه ..
وبعد المرايا ساحره .. وتو الحنين يجرني لأقصى الونين ..
اللي قدر يكشف عيوبي للعيون ..اللي قرت واللي بعدها ماقرت ..
الله يستر يالقلم .. كانك تبيها تعريه ..
تبغى الصحيح ..!! الحق لك ..
لزوم بأصابع سجين .. كسّر قيوده وانتفض .. من حزن عيا يستكين ..
سكين ياوقت الفراق ..
تقطع بي دربي الطويل .. وتقطّع آمالي غبن .. أون .. أون ..
وتجرني اللهفه غنى .. هو الغنى طب القلوب ..!!
والله مدري .. الأكيد انه فنى ..
كل مانبت فيني جديد .. مسرع توارى وأنصفق .. بابه وخلاني هنا ..
.. هـــذا أنــا

ليتنى اكسر من ضلوعى قلم
وامزق من جلدى ورق
واخد من دمى حبر واكتب
(احبك موت)
___________________
منتظر ردودكم الرائعه