البوابه
من طرف نؤيد سيادتك لفتره جديده
نكمل خلالها المسيره السعيده
وبالمره فيها نبيع الحديده
مافيش حاجه تانيه نبيعها خلاص
نؤيد سياتك من اجل المزيد
من اللى تحقق بفضلك اكيد
بقينا خلاص عالحميد المجيد
وربك لوحده فى أيده الخلاص
نبايع سيادته ولا حد غيره
كفايه علينا نبرطع فى خيره
ونوم شعب مصر العظيمه وشخيره
يقول للحرامى ما تسرق كمان
نبايع سيادته وابنه وحفيده
مافيش زى فكره قديمه وجديده
خرابك يا مالطه حيحصل بايده
ومين فيكى بيسمع أذان
نبوس إيد سيادتك ورجلك كمان
تخليك معانا يا ريس عشان
وجودك ضرورة فرضها الزمان
ومن غير وجودك حقيقى نضيع
دى مصر بتاعتك وإحنا ضيوفك
كفايه علينا يا ريس نشوفك
وعاوزين سيادتك وفاهمين ظروفك
عليك بس تؤمر وإحنا نطيع
فى جزمه سيادتك كلابك يبوسوا
وفوق الغلابه بجزمهم يدوسوا
وشعبك ليلاتى يا ريس غموسه
مزله ومهانه وحوجه ومر
لكن يعنى مادمنا شعب إنتساب
ودايما وأبدا فى حاله غياب
ماتعملش لينا ياريس حساب
دى عزبه سيادتك وفيهاإنت حر
ودستور ما دستورش مش فارقه خالص
كلام فاضى كله يا فندم بناقص
كفايه علينا الفساد اللى ماصص
عرقنا ومعشش وضارب جذوره
وإيه يعنى تهرى جتتنا البلاوى
يوماتى كوارث..فضايح..رشاوى
كفايا علينا القعاد فى القهاوى
=============
والله مانا اللى مألفها يا بيه
ده انا ناقلها من موقع
