5 مشترك

احسبها صح تعيشها صح الصح هههههههههههه

eng.yasser: مهندس مميز جدا; عدد الرسائل : 3758
العمر : 35
الجنسية : مصرى
المهنه :
المزاج :
تاريخ التسجيل : 10/03/2008

مساهمة رقم 1

احسبها صح تعيشها صح الصح هههههههههههه

من طرف eng.yasser 26/08/09, 08:15 am

مفيش حاجة واجعه قلبى زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة
تحسبها صح .... تعيشها صح ...
مستفزززززز جدا ..... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه
العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود

( على فكرة احلى تحية للهنود بتوع النووى )

..... احسبها صح ... تعيشها صح ....

وعليه...... خدوا عندكم بقا.... هِيّا جت عليّا انا يعنى ؟؟؟!! ....

توتى وفر فى فلوس المخدرات بتاعته وجاب عربية هامر جديده !!
تحسبها صح .... تعيشها صح

نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !!
تحسبها صح .... تعيشها صح

سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
تحسبها صح .... تعيشها صح

حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!

تحسبها صح .... تعيشها صح

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل< /span> !!
تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم جاب خاتم سوليتي! ر للفيونكه بتاعته !!
تحسبها صح .... تعيشها صح

صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح

طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !!
تحسبها صح .... تعيشها صح

نداء الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان ده

أو وفروا لنا أدوية الضغط
************************************************** *

*المشكلة أن مفيش فلوس اصلا عشان نوفرها
الكلام ده يتقال فى دول الخليج مش عندنا
نسألكم الدعاء لإخواننا المستضعفين فى مشارق الأرض ومغاربها
إن هذه الأمة تغفو و لكن لا تنام
تمرض ولكن لا تموت

فلا تيأسوا، ستردون

mini-star1

mini-star1: بكالوريوس منتدى; عدد الرسائل : 139
الجنسية : اردنى
المهنه :
المزاج :
تاريخ التسجيل : 11/08/2009

مساهمة رقم 2

رد: احسبها صح تعيشها صح الصح هههههههههههه

من طرف mini-star1 26/08/09, 11:29 am

ليه كده بس انتا زعلان بالعكس
انا شافيه انه اعلان جميل جدا ومفيد
وفيها ايه اما يوفر من مصروفه ويجيب لاب توب زى

بس الموضوع جميل وخصوصا التعليق
وحاول اوقف الاعلان عن التلفزيون بتاعكم فى البيت

ميدووو المهندس

ميدووو المهندس: Active Member; عدد الرسائل : 931
العمر : 32
الجنسية : مصرى
المهنه :
المزاج :
تاريخ التسجيل : 03/02/2009

مساهمة رقم 3

رد: احسبها صح تعيشها صح الصح هههههههههههه

من طرف ميدووو المهندس 26/08/09, 01:22 pm

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل< /span> !!
تحسبها صح .... تعيشها صح

ههههههههههههههههههههههههه
انا مشفتش الاعلان بس شكله ةفي حاجات غير عقلانيه
ربنا يستر علي عبيده
شكرااااااااااااااا يا ياسر

sky bird

sky bird: تانية منتدى; عدد الرسائل : 58
الجنسية : مصرى
المهنه :
المزاج :
تاريخ التسجيل : 22/06/2009

مساهمة رقم 4

رد: احسبها صح تعيشها صح الصح هههههههههههه

من طرف sky bird 26/08/09, 02:16 pm

عندك حق والله في كل الكلام اللى قلته
بس الشعار ده عجبنى ..احسبها صح تعيشها صح..
بجد لو كل واحد فينا حسب حياته صح ومضيعهاش فى لهو ولعب فقط هنلاقينا بقينا مجتمع ناجح وشباب عنده هدف مش عايشها سبهللة
بس تعليقك جميل جدا
شكرا ياسر