ماذا تعرف عن قوة الطرد المركزي

كله عارف ان قوة الطرد المركزي بتأثر على الجسم اللي بيدور وبتأثر للخارج، فمثلا الكرة الأرضية بتتأثر بقوة الطرد المركزي للخارج، وقوة جذب الشمس للداخل، طيب من قانون نيوتن لو الكلام ده صحيح ده معناه ان الأرض هتمشي في خط مستقيم بسرعة ثابتة، طيب ايه اللي هيخليها تلف؟؟؟؟؟؟!!!!!!!!!!!!!!.
اللي عنده تفسير يقوله، وانا هقول السبب كمان كام يوم كده.
علشان دي حاجة فيه ناس كتير مخدوعة فيها.

بسم الله الرحمن الرحيم .. الاجابة هى "تونس"
حضرتك قلت بنفسك ان قانون نيوتن ينطبق على الاجسام اللى بتسير فى خطوط مستقيمة .. مش اللى بتلف فى مسار دائرى .. يعنى الحركة هى اللى بتحدد القانون اللى هانشتغل بيه
يعنى ما نقولش من قانون نيوتن المفروض الارض تمشى فى مسار مستقيم .. لكن
نقول الارض بتمشى فى مسار دائرى يبقى نشتغل بقانون الطرد المركزى
وللعلم اثناء دوران الارض مثلا حول الشمس بيبقى فيه عجلتين واحدة مركزية والتانية مماسية .. العجلة المماسية دى هى اللى بتخلى الارض او اى جسم ياخد مساره الدائرى اما العجلة المركزية او العمودية على المماسية هى اللى بينتج عنها قوتي الجذب والطرد المركزى
I hope am right

قانون نيوتن بيطبق على اي حركة سواء كانت في خط مستقيم او على شكل منحنى، الفرق في تطبيقه في حالة المنحنيان ان احنا بنحول المعادلة لصورة متجهات بدل الصورة الجبرية
العجلة المركزية ناتجة عن قوة الجذب فقط وهي اللي بتحلى الجسم يلف في شكل دائري ولو كان فيه حاجة اسمها قوة طرد مركزي كانت هتبقى قيمتها بصفر وبالتالي يمشي الجسم في خط مستقيم
العجلة المماسية في الحالة دي بصفر لان مفيش اي قوى مماسية، وده السبب اللي بيخلي السرعة المماسية ثابتة

http://en.wikipedia.org/wiki/Centrifugal_force
http://en.wikipedia.org/wiki/Centripetal_force

ادخل على اللينكين دول وانت تفهم بالتفصيل، وهتلاقي في اول لينك مكتوب جملة مهمة هتوضحلك الموضوع،
Centrifugal force is most commonly introduced as a force associated with describing motion in a non-inertial reference frame, and referred to as a fictitious or inertial force

fictitious=وهمي او تخيلي