بسم الله الرحمن الرحيم
اخوانى واخواتى اعضاء المنتدى الكرام
اسمحولى اتناقش معاكم فى قضية مهمة شغلت المجتمع المصرى فى الفترة الماضيه
وهى هل نتقبل ان يتم اعدام المغتصب فى الميدان العام؟؟
طبعا عارفين ان جرائم الاغتصاب من ابشع الجرائم المرتكبه لانها مش مش بتقتل عرض وشرف بنت بس واسرتها كمان ومابالك كمان لو متزوجه وانا شايفه ان الجرائم زادت فى مصر كتييير وده طبعا ناتج لعدم الوعى الدينى والبطاله واسباب اخرى كتيرة
شوفت قبل كده حديث فى التليفزيون وكان المذيع مستضيف شخصيتين احدهما مؤيد لاعدام المغتصب فى الميدان العام والاخر رئيس جمعية لحقوق الانسان لا يؤيد ذلك
يرى الضيف المؤيد ان اعدام المغتصب فى ميدان عام سيكون عبرة لغيره ممن يفكرون فى ارتكاب هذه الجريمه وسيكون اكبر رادع لهم لانهم هيشوفوا مصيرهم بعينهم او تطبيق عقاب الشريعه الاسلاميه وهى قطع الايدى والارجل وان الطرق دى متبعه فى السعوديه وغيرها من الدول الاسلاميه وبالفعل حققت انخفاض كبير جدا فى ارتكاب مثل هذه الجرائم
اما الضيف الاخر وهو الممثل لجمعيه حقوق الانسان يرى ان اعدام المغتصب فى ميدان عام هى طريقه وحشيه للعقاب فيكفى ان يتم الحكم عليه بالسجن مدى الحياة وان ده فيه موت له كل يوم مش مره بس
وطبعا انا ضد الكلام ده ده فى ناس مش بيكون عندها مكان تنام فيه ومش لاقيه تاكل وبتسرق عشان تدخل السجن تنام وتاكل وعاملينه لوكانده كمان ان العقوبه مش متساويه ابدا مع عواقب الجريمه البشعه دى ازاى واحد ينتهك شرف واحده واهلها وجوزها ده بيقتلها كل يوم وكل مره الناس بتشوفها وبتتكلم عنها
عايزه اعرف رأيكم بصراحه فى الموضوع ده هل تؤيد اعدام المغتصب فى ميدان عام ام يكفى سجنه مدى الحياة؟؟